Emakumeak borrokan

Zergatik desagertu ziren dinosauroak?

Nagore Irazustabarrena Uranga @irazustabarrena
2009ko abenduaren 20a
Galdera honen erantzunak interes handia piztu du oso aspalditik, eta berriki bi ekarpen osagarri egin zaizkio eztabaidari.
Texaseko (AEB) Unibertsitate Teknologikoa dinosauroak meteorito batek lurra jo ondoren desagertu zireneko tesiaren aldekoa da. Baina orain arte inpaktua Yukatanen izan zela uste izan da eta Texaseko ikerlariek Indiako kostaldean izan zela diote. Shiva Lurreko kraterrik handiena litzateke, urpean dago, 500 kilometroko diametroa du, eta 40 kilometroko diametroko meteorito batek sortu omen zuen.

Bestalde, Clemsoneko unibertsitateko adituen esanetan, dinosauroak ez ziren zuzenean meteoritoaren eraginez desagertu. Meteoritoaren ondorioz, itsasoko ura berotu zen, hautsez kutsatu zen, alga toxikoak izugarri ugaldu ziren eta horrek hil zituen narrasti erraldoiak.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude