Euri-ura edangarria al da?

Australian, Monash Unibertsitateko ikerlari talde batek euri-ura edangarria dela ebatzi du,  baina beti ere baldintza batzuk betetzen badira.

Australiako Adelaidan oso zabaldutako ohitura da euri-ura aprobetxatzea, hainbat lekutan ur-biltegiak ipiniz, edangarri bihurtzeko. Ikerlariek hiri horretako 300 boluntariorekin egin zuten ikerketa: batzuei ura iragazteko tresneria eman zieten, eta beste batzuei –haiek jakin gabe– ura ia iragazi gabe jasotzen zuen tresneria banatu zieten.

Urtebete eta gero, ikerketan parte hartu zuten guztiek osasun-maila bera zutela ikusi zuten; ez gastroenteritisa ezta beste gaixotasunik ere, ez ziren ugaritu euri-ur iragazia eta ia iragazi gabea edan zutenen artean.

Ikerlariek garbi adierazi dute lekuan lekuko egoera aztertu behar dela –kutsaduraz ari ote dira?–, baina ur edangarria falta den lekuetan, agian, oso konponbide interesgarria izan daitekeela euriarena baliatzea.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude