“Ez dugu legez kanpo dagoen inor ekarriko”
Beti telebistan lanean, eta orain, irratiko zuzendari. Zurea bai transbersalitatea!
Kazetaria naiz, profesionala, eta 26 urte daramatzat etxe honetan lanean. Ez da hainbesteko aldaketa. Euskadi Irratia euskaraz mintzo den toki guztietara eramaten saiatuko naiz, diru gutxi daukagu baina.
Orain ulertzen dut hileta-oharren ugaritzea.
Diru premia da, besterik ez. Hori bai, gurean hiltzea oso merkea da, eskelako 50 euro baino ez dugu kobratzen!
Kazetaritza, aldiz, larrutik ari da ordaintzen eskaintzen duzuen prekarietatea.
Lan prekarioa kaskarragoa dela bistakoa da. Lau egunerako datorrenari ezin zaio miraririk eskatu, baina horixe da herentzian jaso duguna. Ea zer irtenbide topatzen dugun, eta kalitatezko irrati bat egiten jarraitzeko moduan garen.
Lasai, zure nagusiak euskaraz dakiena jakinda, ez dizu errieta handirik egingo!
Sentsibilitate handiko euskaltzalea da Alberto Surio. Jendeak uste baino euskara gehiago daki. Lotsatia da, baina hemendik pare bat urtera sorpresa emango du!
Ezker abertzale ilegalizatuaren presentzia mediatikoa deuseztatuz ala areagotuz?
Ikusi duzu gure tertuliakideen zerrenda? Ezker-abertzalearen barruan arlo askotako adituak daude, eta zeresana duen jendeak beti izango ditu gure mikrofonoak zabalik.
Ez alde egin gaitik, ezker abertzale ilegalizatuaren bozeramaileak hartuko dituzuen jakin nahi dut.
Ikusiko dugu, interes informatiboaren arabera. Garbi dagoena da ez dugula legez kanpo dagoen inor ekarriko, ezker abertzalekoa izan ala Francisco Paesa izan. Hori hala, bistan da sentsibilitate guztiei hitza emateko ahalegina egingo dugula.
Hori da ditxosozko “pedagogia zibikoa”?
Gizartean galtzen ari diren balore batzuk zabaldu behar ditugu. Gu ez gaude hemen politika egiteko, irrati ona egiteko baizik, eta uste dut badaudela egunero gurera nor datorren lupaz begiratzea baino zeregin garrantzitsuagoak.
Aldaketak izutu duen jendea lasaitzeaz ari zara?
Ez dut ulertzen zergatik izutzen den jendea. Guk ez dugu ezer deskubrituko baina inertzia bat puskatzera gatoz. Erakundeak ez dira inorenak, jendearen esku gaude, eta aldaketek gizartea berritu baizik ez dute egiten.
Horixe gogoratuko dizute zure kazetari xumearen bulego kaskarrera bueltatzen zarenean.
Hankak lurrean dauzkat, badakit zein den nire benetako lanpostua. Badakit hau epe baterako istripu gozoa dela. Beste batzuei agian ahaztu zitzaien, hortik komeriak.
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]