Juan Gorriti

"Andaluzian jaio banintz toreroa izango nintzen"

Sustrai Colina
2009ko irailaren 06a
Juan Gorriti
Juan GorritiJosu Santesteban

Hara zer urtetan jaio zen ez dakien gizona!


Karneta galdu nuenetik ez dut sekula jakiten 1942 edo 1943koa naizen, baina uste dut 1941ean jaio nintzela. Zer inporta du?

Arrazoi duzu, artea da inporta duena.


Denbora da artistarik handiena. Horregatik bihurtzen ditu koadro eta eskultura garai bateko miseriak. Nik Oteizari aspaldi esan nion: “Hori artea bada ni galeria batean jaio nintzen!”.

Lekutan utzi duzu zurea art brut definitzen duen jakintsua!


Ni txoriak bezalakoa naiz. Txoriek hegan egiten dute baina ez dakite txantxangorriak, zozoak, txepetxak ala zapelatzak diren. Guk jartzen dizkiegu izenak. Art brut ala art prut, nik ez dakit zer egiten dudan!

Oteizaren ustez eskulturei ateak jartzen dizkiezu.


Maixu handia zen Jorge, eta bi gauza erakutsi zizkidan: Euskal Herria maite nuena baino gehiago maitatzen, eta ostrak jaten. Pentsa, orain ostrak pintatu egiten ditut!

Esango dute berriz laugarren dimentsioa dela zurea.


Laugarren dimentsioa bihotzean dago, denboraren eta maitasunaren artean.


Denbora gora eta denbora behera, zu adinarekin obsesionatuta zaude!


Nik 500 urte ditut, baina arbolekin bezala gertatzen da. Batzuk 60 urterekin zaharrak dira eta beste batzuk 200ekin gazteak.

500 urteko eskultoreak bere bezeroak hautatzeko askatasuna dauka?


Askatasun oso-osoa. Aberaskiloei sekulako dirutza kobratzen diet xumeagoei oparitu ahal izateko. Baina Lucio Urtubiak esango lukeen bezala, ez dut lapurretarik egiten, justizia baizik.

Hori da hori konpromisoa!


Andaluzian jaio banintz toreroa izango nintzen. Baina Euskal Herrian sortua naiz, eta herri honen malkoarekin konprometituko ez banintz zer artista klase nintzateke?

Adar jotzailea, akaso?


Behin jauntxo bat etorri zitzaidan adreiluan inbertitzeari utzi eta artean inbertitu nahi zuela esanez. Humanidadearen lehen artista artzaina denez, gaztatan inbertitzeko aholkatu nion, sekulako forma zeukatela, eta ardoari eskulturek baino hobeki laguntzen ziotela. Ez zen gehiago itzuli... kar, kar, kar!

Zuri, ordea, hil eta gero ere itzultzeko intentzioa nabari zaizu.


Jaio ez nintzenez ez naiz hilko. Laboarekin ibiliko naiz laino arteko taberna horretan ardo ona edaten. Maitasuna duen pertsona bat ez da desagertzen, baina gauzak gertatu arte, ezin jakin zer daukagun barrenean.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


2018-10-21
Otegi eta Zapatero Txillarren elkartu dira, jendeari horrelako bilerak inporta zitzaizkionean bezala

Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.


2018-10-21
Legioko ahuntzak idatzi du Casadoren diskurtsoa

Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.


2018-10-21 | Adur Larrea
Ez hanka ez buru
Behingoz edo garaia da

"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


2018-10-21 | Amaia Lekunberri
Ruben Collio aktibista maputxea
"Macarena lurraren defentsan borroka egiteagatik hil duten lehenengo emakume maputxea da"

Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


2018-10-21
Nerea Arriola Urberuaga (1988, Donostia)

Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).


ASTEKARIA
Azkenak
EGILEA
Eguneraketa berriak daude