Izenak
Ana Diez zinema zuzendari tuterarrak Paisito izeneko filma estreinatuko du uztailaren 24an. Filmean Uruguain jaio arren, familia nafarra duen futbolari baten istorioa kontatuko du. Osasunak fitxatu du jokalaria, eta Iruñera iristean, neska lagun izan zuenarekin egingo du topo. Harekin hizketan, Uruguaiko diktadura militarraren garaia nolakoa zen azalduko du pelikulak.
Pello Irazuren Hondatu gabe bizi erakusketa jarri dute Donostiako Koldo Mitxelena kulturuneko sotoan. Irailaren 26ra bitartean ikusgai izango dira Irazuren lanak. Horien bidez, eskulturari buruzko gogoeta egiteko gonbita jasoko du bisitariak.
Uxue Alberdi Rikardo Arregi, Yolanda Arrieta, Josetxo Azkona, Leire Bilbao, Harkaitz Cano, Angel Erro eta Igor Estankona izango dira, besteak beste, Eako poesia egunetako protagonistak aurten. Uztailaren 18an eta 19an antolatu dute ekitaldia, eta parte-hartze zabala izango du. Poesiaz gain musikak ere izango du tartea: 18an Anarik kontzertua eskainiko du, eta 19an Pier Paul Berzaitz ariko da, Itxaro Bordarekin batera, Amor omnibus est emanaldian. Informazio gehiago lortzeko: www.poesiaegunak.net.
452ºF da literatur teoriari eta literatura konparatuari eskainitako aldizkari berriaren izena. Lau hizkuntzatan (euskara, katalana, ingelesa eta gaztelania) argitaratzen da on-line, www.452f.com helbidean. Joan den astean eman zuten argitara aurreneko zenbakia, Edgar Allan Poeri eskainitako monografikoa.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.