Añarbeko erreserba: Oarsoaldeko naturaren azken muga
- Erreserba izendatuko dituzte Aiako Harria parke naturalean dagoen Añarbeko basoaren 1.700 hektareatik 800. Pagadi eremu zabalek osatzen dute Añarbe, baita Gipuzkoan diren harizti handienek ere. Añarbe klimaren erregulatzailea da, eta ura eta biodibertsitatea eskaintzen dizkigu. Orain dela bost urte Bruselak Natura 2000 Sarean sartu zuen. Ezagutu nahi?
Añarbe interes biologiko handiko animalia basatien habitata da: basakatua, katajineta, erbinudea, azkonarra, katagorria, muxar grisa, orkatza, basurdea, okil beltza, okil handia, hontz ertaina, urubia, izokin arrunta, kukulumera... Desagertzeko arriskuan dauden animalia zein landare espezieak ugaldu, babestu eta elikatu egiten dira Añarben. Baso natural helduak eta egundoko baso eremu trinkoak aurkituko dituzu han, naturaltasun handiko paisaiak beti ere.
Uraren balio estrategikoa
Añarbeko basoa izen bereko urtegiaren gainaldean dago, zeinean Arantza, Goizueta, Oiartzun eta Errenteriako errekak isurtzen diren. Donostialdeak, Gipuzkoako populazioaren erdiak baino gehiagok –300.000 biztanle inguruk–, Añarbeko ura edaten du. Horregatik esan daiteke biodibertsitatea zaintzea kalitate oneko ura izateko aukera bermatzea dela.
Azken gotorlekuetakoa
Añarbek bat egiten du Euskal Herriko isurialde atlantikoko korridore ekologikoan dauden eta biodibertsitatearen kontserbaziorako estrategikoak diren hosto erorkorreko hainbat basorekin: Endara, Artikutza, Bertiz, Irati... Azken batean, Añarbe Gipuzkoa ekialdeko mendi-biodibertsitatearen azken mugetako bat da gaur egun; izan ere, garraiorako azpiegitura linealek, hirigintza eta industria garapenak eta zur exotikoen hazkuntzarako baso jarduera intentsiboak, hein handi batean artifizial bihurtu dute gipuzkoar lurraldea.
LIFE-Natura Proiektua
Aiako Harria Garrantzi Komunitarioko Lekua Kontserbatzea eta Berreskuratzea izeneko LIFE-Natura Proiektua (2005-2009) Gipuzkoako Foru Aldundiak koordinatzen du, Aiako Harria Parke Naturaleko basoen jabe nagusiekin batera (Irun, Oiartzun, Hernani eta Errenteriako udalak), Eusko Jaurlaritzak eta bi fundazio pribatuk ere (Naturgintza eta Basoa) parte hartzen dutelarik. Natura 2000 Sarean dauden natur habitaten –baso nahiz erreka– eta hainbat espezieren kontserbazio egokia berreskuratzea da helburua.
Nola iritsi
Astigarraga eta Oiartzun arteko errepidean, Errenteriako Bentako bidegurutzean, jo Listorretako atseden-gunerantz. Bertara iritsitakoan, Idoia etxeraino (Susperregi jatetxea) jarraitu eta ibilgailua parkingean utzi. Handik, abiatu oinez, langa bat zeharkatuta, Malbazarko leporaino. Beherantz doan baso-pista nagusia Añarbeko basora eta urtegira doa.
Udan, Listorretako atseden-gunean, Aiako Harriko Parke Naturalari buruzko Informazio Bulegoa irekitzen du Errenteriako Udalak, ostegunetik igandera goizeko 10etatik arratsaldeko ordu biak arte.
Informazio gehiago Interneten:
www.errenteria.net
www.oarsoaldea-turismo.net
www.lifeaiakoharria.net
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
231.000 panel jarriko dituzte, Arabako hego-mendebaldeko ehun hektareatan zehar: Armiñonen. EUskal Herriko bigarren eguzki parke handiena izango da.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Maiatzaren 22an EAEko Legebiltzarrak mila milioi euro zorpetzeko lege proiektua onartu du “zientzian, teknologian, enpresan eta industria sektorean eragiteko”. Naiz hedabideak jakitera eman duenez, Eusko Jaurlaritzak KPMG Asesores SL enpresari eskatu dio plana... [+]
Donostiako Parte Zaharreko maizter batek 11 hilabeterako alokairu kontratua bost urterako legezko kontratu bihurtzea lortu du.
Washingtonen Israelek duen enbaxadako bi langile tiroz hilda agertu eta gero egin ditu adierazpenak Netanyahuk. Israelgo Gobernuak zuzenean lotu ditu Washingtongo erasoak eta Europako zenbait gobernuburuk Gazako sarraskiaren aurka egindako adierazpenak.
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Mireia Centeno Gutierrez psikopedagogoak haurren elikaduraren inguruko zenbait gako eman ditu; hala nola jatera behartzeak eta jakiak debekatzeak dituen ondorioak aipatu ditu.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.