Kazetaritza molde berriak landuz
- Maiatzaren 12an estreinatu dugu Erredakzio mahaia, edo beste modu batera esateko, ARGIAko kazetarien bloga. Etxe honetako hamaika kazetarik elikatuko dugu eta besteak beste, kazetaritza ulertu eta bizitzeko bide berriak esperimentatzea da helburua.
Ez dugu ezer asmatu, WordPress software librearekin eraikitako bloga da, munduan zehar martxan dauden beste milaka bezala; elkarlanean eraikitako blog bat izango da, sarean dauden beste hainbat bezala; baina ARGIAkoa izango da, bertako kazetariek elikatuko baitugu eta kazetaritza molde berriak lantzeko baliatuko dugu.
Hor ere ez dugu ezer asmatuko, baina hainbat urtetan papera erreferente nagusi izan duen profesional talde batentzat ezinbesteko tresna da hau. Are gehiago munduan komunikabide idatzien krisi oihuek eta egunkarien itxieraren mamuak bazter guztiak astintzen ari diren honetan.
Zer aurki daiteke komunikabide baten erredakzio mahaian? Iritziak, albisteak, bitxikeriak… Informazio asko, azken batean. Horietako batzuk erreportaje, artikulu edo elkarrizketa batean gorpuzten dira, baina beste asko ez dira irakurlearengana iristen, kazetariari nahikoa garrantzitsu iruditzen ez zaizkiolako, bi orritako erreportaje baterako ematen ez dutelako... Blogarekin ordea, kazetariaren txipa aldatu egin da. Ikasten ari gara blog batek hegoak zabaltzen dizkigula, ez daukagula zertan informazio hain landua eskaini behar, edukiak erritmo handiagoarekin produzitu ditzakegula, nonbait ikusitakoa edo norbaiti entzundakoa komentatze hutsak berak nahikoa interes informatibo duela, horrek berak harremanak egiten laguntzen duela, iturri berriak ezagutzen ditugula, irakurlearekin feedback sakonagoa sortzen dela, sare sozial handiagoa eraikitzen dela…
Baina blogak ez al daude hilda?
2004an ezagutu genuen blogen eztanda eta bost urte beranduago gainbeheran daudela esaten digute zenbait adituk, orain Twitter, Facebook eta antzerako sare sozialen aroa dela azpimarratuz. Irakurri Gorka Bereziartua lankidearen Bloga daukat, hain zaharra al naiz? artikulua (Argia, 2.168 zenbakia).
Moda kontuarena horrela izango da, ez dut ukatuko, baina errealitateak bestelakorik ere erakusten digu. Urte honen hasieran esaterako, Printedblog sortu zen AEBetan, blogetan argitaratutako informazioz osatutako lehen egunkaria, oraingoz Chicagon eta San Frantziskon banatua. Bestalde, Soitu agerkari digitaleko artikulu batean irakurri berri dugunez, AEBetan blogariak 450.000 baino gehiago dira (tabernako zerbitzari eta informatikari kopurua baino gehiago) eta batez beste 55.000 dolar irabazten dituzte urtean.
Azken finean, blogek web sozialaren arrakasta bideratu zuten eta horixe da komunikabideek ulertu eta landu behar dutena; tresna da gutxienekoa. Gorka Bereziartuak aipaturiko artikuluan esan bezala, “ez gaitezen erremintekin itsutu; ea zerbait interesgarria sareratzen dugun”. Ba horixe, ARGIAko Erredakzio mahaian hamaika kazetari, hamaika interes eta hamaika ilusio aurkituko dituzue, ea intereseko zerbait topatzen duzuen.
· Erredakzio mahaia: Xabier Letonak, Pello Zubiriak, Gorka Bereziartuak, Mikel Garciak, Onintza Iruretak, Jon Tornerrek, Unai Break, Urko Apaolazak, Lander Arbelaitzek, Mikel Asurmendik eta Eli Pombok osatua.
www.argia.eus/erredakzio-mahaia
· Gari alea: Estitxu Eizagirrerena, bertsolaritzari buruz.
www.argia.eus/blokak/garialea
· Erlea-apiterapia: Pello Zubiriarena.
www.argia.eus/erlea-apiterapia
· Boligrafo gorria: Gorka Bereziartuak orain arte blogari.net-en zuena Argiara pasa du.
www.argia.eus/boligrafo-gorria
Taiwan eta Japoniaren artean dauden Diaoyu edo Senkaku irlak hizpide izan dira berriro: Txinako kostazaintzako helikopteroek japoniar hegazkin koxkor bat uxatu zuten pasa den larunbatean irlen ingurutik “legez kanpo txinatar aire-espazioan” sartzeagatik. Bost... [+]
Joan den abenduan gaztetxeak pintaketa nazi-faxistak salatu zituen ere, eta oraingo honetan “Stop LGTBI”, “Fuera degenerados” edota “No os dejaremos dormir” bezalako mehatxuak izan dira asteburuan Lakaxitako hormetan azaldu diren mezuak, diana... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Errumaniako presidentetzarako hauteskundeetan Simion eskuin muturreko hautagaiak lortu duen garaipenaren ondorioak azkar heldu dira. Marcel Ciolacu sozialdemokratak dimisioa eman du, ultraeskuinaren hazkundea geldiaraztea xede zuen gobernu koalizioak "jarraitzeko arrazoirik... [+]
Naizenek I. Nazioarteko Biltzarra antolatu du haur eta gazte transexualitateaz hitz egiteko. Egitaraua maiatzak 5 eta 6 artean egin dute eta hitzaldiz josia izan da. Eztabaida eta hausnarketa bateraturako "espazioak sortzeko" ezagutza arlo ugaritan espezializatutako 400... [+]
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
“Guk entseatu egiten genuen, mutilei erakusten genien, parrilarako laguntza behar zutenean hor egoten ginen, baina gero sekula ere ez genuen dantzatzen plazan, ezta burutik pasa ere”. Oihane Auzmendi Iturbe (Legazpia, 1977) Sustraiak dantza taldeko dantzaria da,... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
“Maite zaitut” herri omenaldia egin diote maiatzaren 3an Pirritx, Porrotx eta Marimotots pailazoei Barakaldon, BEC erakustazokan. Euskal gizarteari egindako ekarpena eskertu nahi izan diote milaka pertsonak Maite Zaitut Kultur Elkarteak antolatutako jaialdian.
Trumpek Gazarako behin baino gehiagotan proposatutako garbiketa etnikoarekin jarraituko du Tel Avivek. Netanyahuk sare sozialetan jakinarazi duenez, Israelek milaka erreserbista deitu ditu Gazaren aurkako setioa gogortzeko eta "erabateko garaipena" lortzeko.
2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean... [+]
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Ez dakit itzalaldiak itsutu gaituen edo itsu gaudelako itzali garen. Edozein kasutan, itzalaldia ez da gaur hasi eta bukatu den gertaera histerikoa –barkatu, historikoa–. Aspaldian hasi zela uste dut eta, zoritxarrez, ez zen San Prudentzio egunean amaitu.