Poz

Jakoba Errekondo
2009ko maiatzaren 03a
Mugeta
Depresioa, beheraldia edo lotarako ezina badituzu, edo artega bazaude eta egoera horri buelta eman eta suspertu nahi izanez gero, vetiveraren esentzia erabili (Vetiveria zizanioides). Lasaitzeko, landare horren esentzia olioa aparta da. Bainuan edo igurtzika, giharretako mina, zahartrosia eta erreuma ere eztitzen ditu. Vetivera duen koloniaz busti erruz erretena; agidanean, haren usaina luzaz aditzeak gorputzaren lan organikoak orekatzen ditu eta odolean globulu gorriak ugaritu. Azken horiek oxigenoaren garraioaz arduratzen dira eta etengabe, segundoro bi milioi sortzen dituzten hezurretako muinen lana areagotzen du. Oxigeno gehiago eta anemiarik ez. Baikortasuna, kemena eta nerbioen erresistentzia indartzen ditu eta tristura malenkoniatsuari aurre egiten dio. Erretolika hau irakurri ondoren, vetiver esentzia bera edo osagai duen lurrinen usainean mugitu eta pra-pra busti paparra! Non aukeratua bada... Bapo lurrinduta dabilenak ez al dute beste zer edo zer adierazten? Beste poz bat. Batzuentzat den mendrena bada ere, poza.

Gaur egun, ehorzketa giro honetan, mendreena ere poz. Ea udaberriarekin elkar hartu eta bazter guztiak hartzen ari den funtzio-kirats hau uxatzen dugun. Horixe egiten saiatzen dira Iparraldetik iparraldera maiatzaren lehenean. Langileen egunekoa baino askoz ere zaharragoa den ohitura berritzen da. 1561ean Charles X.ak bere azpietan zebilzkien emakume guztiei lore bat eskaini zienekoa. Lurringintzan estimatuenetakoa den lorea elkarri oparitzen diote: sortatxo polit bat mugeta (Convalaria majalis). Mugeta ezaguna da Euskal Herrian, Araban batik bat. Baso xareetan udaberriari tapiz zuria hedatzen dio. Arra bete inguru hazten da eta hosto luzanga pare baten altzoan, gara batean aldera karga, buruz behera, dantzari, lore zuriak ditu. Usaina? Ahaztezina! Haren esentzia makina bat lurrinetan airoso asko dabil.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


2018-10-21
Otegi eta Zapatero Txillarren elkartu dira, jendeari horrelako bilerak inporta zitzaizkionean bezala

Arnaldo Otegik eta Jose Luis Rodriguez Zapaterok ezkutuko bilera egin zuten irailean Elgoibarko Txillarre baserrian. Bileraren xedea “elkar ezagutzea” zela esan duten arren, ezker abertzaleko iturriek Beranduegiri esplikatu diotenez, bi politikariek beren buruari egindako omenaldia ere izan da.


2018-10-21
Legioko ahuntzak idatzi du Casadoren diskurtsoa

Oso gutxitan erabiltzen dutela-eta, Espainiako Legioak erabaki du bere desfileetan parte hartu ohi duen ahuntza, Cientocincuentaycinco, birziklatzea.


2018-10-21 | Adur Larrea
Ez hanka ez buru
Behingoz edo garaia da

"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


2018-10-21 | Amaia Lekunberri
Ruben Collio aktibista maputxea
"Macarena lurraren defentsan borroka egiteagatik hil duten lehenengo emakume maputxea da"

Ruben Collio maputxeak (Santiago, Txile, 1976) itsasoa zeharkatu du Macarena Valdés ekintzailearen hilketaz jakinarazi eta nazioartean babesa lortzeko, salatzen duenez Txileko Estatuaren baitan maputxeentzat justiziarik ez baitago. 32 urte zituela hil zuten Valdés Tranguileko bere etxean, beraien bizilekuan zentral elektrikoa eraiki duen RP Global enpresa transnazional austriarraren auto batetik mehatxatuak izan eta egun batera. Macarenaren bikotekidea zen Ruben Collio, eta... [+]


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


2018-10-21
Nerea Arriola Urberuaga (1988, Donostia)

Erizaina da lanbidez, baina antzerkian ibili da betidanik, Zurriolako Ikastolako antzerki-taldean. Berak eman die gorputza eta ahotsa Supertxope euskal youtuberrari eta Info7 irratiko Dolores Mujika Dolox pertsonaiari. Duela bi urte egin zuen lehen bakarrizketa, eta besteak beste, zeregin horretan dabil orain han eta hemen. Aurten bukatu du antzerki-prestakuntza, Donostiako Arte Eszenikoen Tailerrean (TAE).


ASTEKARIA
Azkenak
EGILEA
Eguneraketa berriak daude