“Kantu bat ez da inoiz zurea”

Petti
Dani Blanco
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
Ez diogu tragorik eskatu. Erantzunak baino ez.

Txoritxo batek esan dit Juan Luis Pérez Mitxelena duzula grazia…


Ikastolako lagunek errimatzeagatik “Juan Luis Petit Suisse” esaten zidaten. Denborarekin Suisse kendu eta Petti gelditu zait.


Harritzekoa, Berakoa izanik musikaria ala kontrabandista izan behar!


Edo musikari kontrabandista! Udaletxeak baliabide asko jartzen dizkigu eskura, banda eta musika eskola sendo daude, jende andana animatzen da… Klima kontua izango da!


Edo mugaldekoen izaera multikulturala, agian.


Bai zera! Musika aldetik Hegoaldeko eta Iparraldeko taldeek ez dute zerikusirik. Bat edo beste kenduta, Iparraldekoek aspaldiko musika egiten dutela iruditzen zait.


Zu ere ez zara gaurkoa. Hamar urte lehen diskoa atera zenuenetik...


Denborarekin ikasten joango nintzen, baina uste dut hastapenean egiten nituenen antzeko gauzak egiten ditudala oraindik.


Baina esadazu aldatu zarela, heldu, pertsona hobea zarela orain.


Lehen gauez baizik ez nintzen bizi. Familia ahaztuta neukan eta aita galtzean ohartu naiz familia bakarra eta betirako dela. Lehen musika besta egiteko modu bat zen, kontzertura joan eta atxurra harrapatzea. Orain serioago hartzen ditut gauzak.


Ez esan ez duzunik diskorik pirateatzen!


Nik ez dut arazorik pirateriarekin. Jendeak nire musika entzutea nahi dut, berdin zait erosita ala Internetetik jaitsita izan. Guk jendearengana iritsi behar dugu. Diskoetxeentzat putada bat dela? ...


Gaixoak, krisian daude.


Diskoetxeak beti daude krisian, eta hala ez balitz ere, krisian daudela esango lukete. Zer nahi duzu, doan lortu litekeen disko bat hemeretzi eurotan saldu nahi baduzu...

Subentzioa eskatu!


Niri urtero Kepa Junkerari baino diru gehiago ematen didate, kar kar kar. Afera hau injustizia puru-purua izan da. Lagunarteko kontu bat dirudi subentzio sistema bat baino gehiago. Dena den, beti gertatu den zerbait da eta beti gertatuko dela dirudi.

Betikoa, esplikatu behar ez dena esplikatzeko dagoen joera!


Ez zait nire kantuak esplikatzea gustatzen. Zer axola du zer esan nahi izan dudan kantu batean, hitz bat bakoitzak bere erara interpreta badezake?


Aizu, ni naiz galderak egiten dituena, e.


Agian, kantu bat ez da inoiz zurea. Kantua kantuarena da. Zergatik izan behar da abesti bat zurea? Zuk egin duzulako? Disko batean grabatu duzulako?


Ez kontrabandista eta ez musikaria, politikaria ematen duzu!


Baina kantu bat kantu bat da eta politika, politika. Horregatik diot nik kantuak egiten ditudala eta ez dudala mitinik ematen.

Azkenak
2024-07-17 | Gorka Menendez
Zenbateraino izan behar dira txikiak nekazari txikiak?

Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]


Euskaldunak

Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]


2024-07-17 | Iñaki Barcena
Ekofaxismoa al datorkigu?

Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


2024-07-17 | David Bou
Agur esaten ikastea

Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]


Bego Ariznabarreta Orbea. Gerrarik ez
“Gure aurrekoek bizitako gerraren traumak eta sintomak ditugu oraindik”

Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]


Aitor Cevidanes
“Akainak gaitza kutsatzeko denbora behar du, egunean bertan kenduta ez dago arriskurik”

Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten arriskuez, herritarron uste faltsuez eta klima aldaketaren nahiz gizakion... [+]


2024-07-17 | Ula Iruretagoiena
Lurraldea eta arkitektura
Hemengoa

Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]


Materialismo histerikoa
Txatarra

Usainak keinuren bat eskatzen zuen, baina berak egin ez zuenez (ezin zitekeenez beste usainik espero), besteok ere ez. “Ez, ez, ez daude denak. Bizirik dirautenen atalik ez dago, ez dut inor bizirik utzi, adibidez, ezpainik gabe (ikusi dituzue? Horiek perfektuak iruditzen... [+]


Euskal Herriko kartografia historikoa
Mapen lorratza herri baten historian

Kartografiak herri edo lurralde baten ezaugarriak baino askoz gauza gehiago adierazten dituela jakina da. Mapak eskuan konkistatu dira kontinenteak eta eraiki dira inperioak historian zehar, eta eskoadra zein kartaboiez definitu dira identitate kultural eta politikoak. Euskal... [+]


Ernest Hemingwayk mendea egin du Euskal Herrian

1923ko sanferminetan ezagutu gintuen, eta urtebete geroago Irati aldera jo zuen atseden bila. Baiona, Garazi, Donostia, Iruñea, Gernika, Bilbo... guztiak izan ditu aipagai bere literatur lanetan. Uztail honetan 100 urte dira Irati ibaia eta inguruko baso eta bazterrak... [+]


Eguneraketa berriak daude