Metro t’erdi ba ote da?
Neurtuaz goitikan behera,
una cuarenta besorik beso
nere arabera!
lepo gainen gaztanbera,
farola baten tankera
ta errespetoik bate ez duen
txulo ibilera!
II
Gabardina eta guzi,
behin hala nuen ikusi.
Bulebarrean desafioka
temati, itsusi!
Baztar guztiak nahasi
ta oaindik ez dek ikasi:
bukatu arte ezin dekela
gerrik irabazi!
III
Hiru proiektu garatu
ta hirurak aukeratu.
Herriak danak gaitzetsi arren
heurea inposatu!
Amets bat nahi dek gauzatu,
hari begira gozatu,
nahiz hortarako auzo oso bat
golpez lurperatu!
IV
Erraustegi ta kuartela,
hirugarrena kartzela.
Ez omen zeuden ondo Donostin,
aitzaki ustela!
Ez hadi izan ergela,
aitor beharko dek bela,
hau dena hire patrikak diruz
betetzeko dela.
V
Jendea ez zegok alai!
berriz esango diat, bai.
Makrokartzelik eta kuartelik
ez diagula nahi!
Baina hire ustetan ai!
Kokatu ditzakek nonahi,
jar hitzak biak Mirakontxan ta
bertan bizitu ha(d)i!
VI
Erraustegiaren sua,
hire atzerapausua!
Sutan konponduz gizakiaren
zabor arazua.
Ez hadi izan izua!
Hartu zak konpromezua!
Ez badek ketan itotzerik nahi
Zubita osua!
VII
Hamaika burutazio,
beste hainbeste akzio.
Gaur gure lurrak bihurtu dituk
hire obsesio.
Obra eta txikizio
berdin zaik zer kondizio!
Hiretzat txarra dena ez zaiok
inori desio!
VIII
Entzun zak aurrerantzean,
erabakiak hartzean,
belar txarrikan ez diagu nahi
gure baratzean!
Proiektuez gozatzean,
oroitzapen bakoitzean,
negar malkoak alperrik dituk
Zubita hiltzean!
Usurbilgo Santixabel XXXII. Bertso Paper Lehiaketako irabazlea.
Bi mila eta seigarreneko
zazpigarrenaren bata,
bertsolaritzak errepideetan
esparru berria dauka:
entzun dudanez, bertso-eskoletan
ematen da orain plaka,
DGTaren agente denak
puntuka hasi dira ta.
- Ai ene aspaldiko
besaulki laguna
berriz ere apaintzen
dugu Euskalduna.
- Igor izango al da
Gure txapelduna?
- Oker zabiltza, Igor
«Retirau» da, jauna...
- Igor, badator baina
ez zuk nahi duzuna.
II
- Atxuriko mutilak,
Ranking arabera,
Kantatuko du... [+]
Aitaren hormonetan
sorturik hazia
amaren sabelera
hurrengo jauzia.
Milaka bizigairen
hil ala bizia
borrokan erabaki
genduen auzia.
Guda amaigabe hau
da handik hasia.
II
Hil edo bizi hori
izan zen orduan
suerte apurren bat
izango genduan.
Irabazle... [+]
Doinua: «Lagundurikan danoi II», «Espainian behera» edo «Batetikan korroxka».
I
Askoren adiskide
ez soilik bezero
irrati, telebistan...
prentsan egunero
duela gutxi arte
ia Olentzero
lehen lagun nituenak
orain izu, ero
nerekin a ze amets
gaiztoak... [+]
Larunbata zen ilunabarra
irailak hamaseiean
behorrak eta zaldiak proba
jokua zeukaten Aian.
Ikusmin latza sortu zuen hark
Gipuzkoa eta Bizkaian:
milatik gora jende dexente
huraxe ikusi nahian...
Norgehiagoka behar zuena
bukatu zuten ezbaian.
Lehengo ohitura klaseak
nazkatu eta aseak. (bis)
Herritar asko gogaitu gaitu
udazken hontan paseak
usoen ordez paratxutixtak
ekarri ditu haizeak. (bis)
II
Beren «egoa» puztera
lasaitasuna haustera. (bis)
Ezin ausartu prozesuari
bere bidean uztera
pake garaian... [+]
Kexa bat ekarri dut
bertso bihurtuta
telebistak aspertu
samar bainauka.
Inori bota gabe
kexa honen kulpa
ea azaltzen dudan
disimulatuta:
Euskaldun arrunta
euskaraz ohituta
(telebistan dauka
sekulako mauka)
kate bakarrak dauka
kateatuta.
Ikasturte berria
badator ta zelan!
Aulkiak gertu daude
berriz ikasgelan,
arbela zuritzear,
eskola bete plan.
Arkatz, liburu, goma,
guraize, idazlan...
ahaztu gabe «uda»
sartzea motxilan.
II
Maten hau esango du
lehenengo galderak:
-Madriletik Kubara
doa... [+]
Eguneraketa berriak daude
ARGIA.eus - Mastodonen partekatzea
OHARRA: Aukera hau hautatuz gero hurrengo aldietan ez dizu galdetuko ze instantzia erabili nahi duzun.