Ipuinei errealismoz jarriak

Xabier Paya
Xabier PayaIñigo Azkona
I

– Ama, ezin dut lo egin eta
ipuin bat kontatu, arren!
– Hain zuzen ere ipuin zaharren
liburutxo bat nekarren,
dela hiru txerritxo,
dela Txanogorritxo,
guztiak hurrenez hurren,
lasai, denetan pertsonai denek
amaitzen dute pozarren!


II

– Baziren hiru txerritxo, gazte
emantzipatzen hasita,
hirugarrenak eraiki zuen
harrizko etxe polita.
Nahiz otsoak putz egin
zutik zegoen berdin...
– Hobe zuen erorita,
txerria berdin hilko delako
euriborra ikusita.


III

– Txanogorritxo abiatu zen
otzara bete zorion
baina basoan zebilelarik
otsoa irten zitzaion:
“Ezetz egin karrera
amonaren etxera?”
– Hobe zuen lasai egon,
amonak jada ez du etxerik
AHTak kendu zion!



IV

– Mari Errauskin triste bizi zen
bere ahizpei begira,
maitagarriak, ordea, bete
zion maitasun desira:
printzesa bilakatu,
kuia bat alokatu...
– Ezetz heldu dantzaldira,
garraiolari asko oraindik
greban gogor ari dira.


V

– Bazen Bagdaden mutil bizkor bat,
Aladin zuen deitura,
sartu nahi zuen Alibabaren
altxorren koba barrura.
Ezin zuen han laga
jeinuaren lanpara...
– Ahaztu lanpara hura,
joan den astean ehuneko 11
igo zen argi-faktura.


VI

– Edurnezuri dibortziatu da,
ezin ipotxak zenbatu,
Gretelek bullyng problemak dauzka,
ezin neba aguantatu.
Horrela izan bazan
irten dadila plazan...
A, ez, barkatu, barkatu!
Plazan obretan dabiltza eta
han ere ezin da bukatu!

Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude