Fermin Muguruza: «Asmatikoa naizenez, arnas bakoitza musika bezala borroka bilakatu zait askotan»


2006ko urriaren 29an
Zelakoa izango da Basque Exhibition Centerko kontzertua?
Artistikoki mundiala. Bizi garen testuinguru zehatz honetan, hunkigarria eta historikoa.

Diskoan filmeen erreferentzi ugari daude. Adierazpide garrantzitsua al da zinema? Pentsatu al duzu horretan aritzea?
Musikarekin batera adierazpide garrantzitsuena da. Bai, behin baino gehiagotan pentsatu dut horretan ere aritzea.

Zer helburu dauka Talkak? Beste batzuen lanak ere kaleratuko dituzue?
Nire lanak argitaratzea, autoeragiketa eta independentziaren frontetik. Besteen lanak argitaratzen lagunduko dut, baina ez nire markapean.

Fusioa egitea baino eraginkorragoa da talka egitea?
Uztarketa talka baten ondorioa da beti. Izan water, my friend...

Kortaturekin ska lantzen hasi zineten. 20 urte beranduago, Jamaikara bueltatu zara bete-betean. Zirkulua ixten zabiltza?
Egitasmo bat bururaino eramatea, bai, baina ez dut uste ezer itxi dudanik. Seguruenik, beste zirkulu batzuk ireki.

Jamaikarrek asko eman dizute. Zuk trukean zer eman diezu? Gure doinuak beraienekin ezkonduta, beraien musika aberastea?
Beste solaskideen ekarpena beti da aberasgarria. Jamaikako musikaren garapenaren gakoa da kanpoko eraginei irekia izan dela beti.

Euskaldunok zer daukagu samuraiez, perfekzioaz, ikasteko? Eta zer komunean?
Denboraren pertzepzioa dugu ikasgai nagusia. Inperfekzioa da besteekiko bereizten gaituena, beraz, bakarrak izateko dugun ikurra. Eta amankomunean dugu oinazea gainditzeko gaitasuna, irakaspena, diziplina, zorroztasuna... Euriaren erritmoarekin bizitzan gidatuko gaituen kode poetikoa idatzi beharko genuke.

«Gauza apaingarrien munduan bizi bagara, musika ederki kulturala besterik ez da». Zer da zuretzat musika, hain barruan daramazuna?
Arnasa bezalakoa da. Asmatikoa naizenez, bizitzaren arnas bakoitza borroka bilakatu izan zait askotan. Musika hori dena da.

-------------------------------------------------------------------------
Euskal Herria Jamaika Clash
Fermin Muguruza
Talka
Iraupena: 48'41'' 12 euro

Jamaika eta Euskal Herriaren iragana biak bat oraina eginda

The Clash aspalditik da Fermin Muguruzaren kuttuna, baina hortik haratago Clash hitzak talka esangura ere badu. Ingalaterrako aitzindari haiek egin zuten bezala baina beste era batean, Muguruzak Jamaika hartu du xede. Euskal Herriaren eta Jamaikaren arteko uztarketa egin du, bi kulturak batuz, nahastuz eta elkar aberastuz. Horretarako, Xabi Pery, Xabi Solano eta Jon Elizalderekin batera Jamaikako bihotzera joan eta herrialde horretako iragan eta oraina diren musikari eta abeslariekin aritu dira dohaitza aske bezain esanguratsuak eginez. Emaitza aberatsa da: reggaea, ska, raggamuffina, dub-a eta beste landu dituzte trikitiarekin eta bestelakoekin. Hitzetan gertukoa, egunerokoa, beste kulturetako bizipenekin lotu du, gertuko arazo txikiei urruneko erantzun eta antzekotasunak emanez.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude