Euskararen ingurko albiste laburrak


Hedabideak

Euskarazko hedabideen ordezkariek sektorea aztertu eta aurrera begirako erronkak finkatzeko lehen bilera egin dute ekainean administrazioarekin. Prozesu horretan parte hartuko du HAKOBAk, alegia Eusko Jaurlaritzako Lehendakariordetzak, Kultura Sailak (Hizkuntza Politikarako Sailburuordetza) eta Hezkuntza Sailak, Euskadiko Autonomia Erkidegoko hiru Foru Aldundiek, hiru hiriburuetako udalek eta EUDELek. Kultura Sailak argi adierazi ditu, bere ustez, sektorearentzako erronka nagusiak: irakurleak eta ikus-entzuleak etengabe irabaztea eta diru-laguntzekiko autonomia eskuratzea. Honela zehaztu du gaia: «Urteotan diru-laguntzak eta euskarazko hedabideen eskaintza igo diren neurrian edo antzekoan igo izan balira euskarazko irakurleak eta ikus-entzuleak, aurrerapauso ikaragarriak emanak izango ginen. Baina ez da horrela gertatu, zoritxarrez. Inola ere ez ginateke itsutu behar diru-laguntzen kontuarekin, etorkizuneko erronkak diru-laguntzena baino sakonagoak eta korapilotsuagoak baitira». HAKOBAk azpimarratu du hausnarketa hedabideekin batera egingo duela eta udazkenean bilduko direla berriz.


Ikastolak legeztatuta

Nafarroako Gobernuak eremu ez-euskalduneko ikastolak legeztatu ditu. Nafarroako Ikastolen Elkarteak eta Nafarroako Gobernuak sinatutako protokoloaren bidez, ikastolek 8,8 milioi euroko diru laguntza jasoko dute datozen bost urteotan eta irailetik aurrera ikastola legal bilakatuko dira. Akordioak 2010era arte iraungo du.


Poloniarrak Lezaunen

14 poloniar iritsi berri dira Euskal Herrira euskara hobetzeko asmoz. Ulibarri euskaltegiak hartu du ikasleon ardura eta jada Lezaunen (Nafarroa) dira barnetegian. Poznan hirikoak dira eta unibertsitatean Euskal Filologia ikasteko aukera dute. Unibertsitateko eskolez gain, han bizi den gernikar batek astean zehar ere euskara eskolak ematen dizkie. Batzuk 3. eta 4. urratsekoak dira eta beste batzuk goi urratsekoak. 14 ikasleetatik lau dira berriak, gainerakoak lehen ere hemen izan dira. Ikasle horietakoren bat 15 eguneko barnetegian parte hartu eta gero ere hemen geratuko da euskara hobetzen segitzeko asmoz.


Szewczyck-ren epaia bertan behera

Paueko Helegite auzitegiak indargabetu egin du otsailean Baionako auzitegian Szewczyck epaileak emandako epaia. Bikote baten bereizketa epaitzen ari zen eta bikotearen lau urteko haurra ikastolatik ateratzeko eta eskola publikoan sartzeko agindua eman zuen, «ikastolek haurren akulturalizazio eta deskulturalizazioa» eragiten dutela adieraziz. Auzitegiak umearen aitak jarritako errekurtsoa onartu eta haurra ikastolara itzultzeko agindua eman du.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude