Goldea estali intxaur


2007ko otsailaren 21an
Goizeko fruitu aukera bada aurten, gerezia, arana, goizeko sagar eta madariak... Beranduko sagar eta madaririk ez da, ordea, arboletan antzematen. Panorama honetan lerdea dariola begiratu diogu intxaurrondoari, aspaldiko urtetan ez bezalako fruta-hartzea egin baitu aurten. Intxaur koskorrez lepo ageri ziren intxaurrondoak eta hauek denak aurrera ateratzeko sustraiak luzatu, hostajea zabaldu eta elikagaiak bilatu eta pilatu, pilatu eta metatu. Langintza hauetan buru-belarri ari dela horra hor non udaberria baino uda hobe baten itxaropeneko atariko ospakizunen solstizioak urteko bero handienak ekarri dituen besoetan hartuta. Hego haizearen beroa. Hego haize lapurraren beroa. Eta lehendik lehor zen lurra seko lehortu! Izuitzeak erreten bihurtu dira uraren ihesaren lekuko. Buru-belarri ari zen bai intxaurrondoa eta bat-batean urik ez, egunak joan eta egunak etorri urik ez, ezta ihintzarik ere... Eta erabaki bat hartu behar: intxaur guztiei nola-hala eutsi eta aurrera atera ezinik ibiltzearekin batera bere burua ere arrisku bizian jarri edo ugalketarako urte hobeak etorriko diren itxaropenez fruitu gehienak bota eta lasai, hartu petxu, ur eskasiara moldatu eta berak behinik iraun. Senitartekoak, koadrilakoak eta ezagunak ditudan intxaurrondo gehienek erabaki dutena begi bistakoa da: lur estali intxaur koskor atarietan eta intxaustietan. Goldea estali adina intxaur ikusia dut egun hauetan. Arratsean beroa makaltzearekin batera intxaurrondoen arteko kontu kontarietan hizpide bat nagusi: aurten ere intxaurrak baino hotsak handiago!


Azkenak
2024-05-24 | Antxeta Irratia
"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude