PUNTALAKURLOENTZAT


2007ko otsailaren 21an
Landareen zaintza artea da, batzuetan. Lorategi, sagasti, balkoi eta abar batzuk ikusi besterik ez dago tarteka-tarteka artista anonimoen kasta bat badela jabetzeko. Landare ezezagunak, urrutitik ekarritako teknikak, ongarriketa zehatzak, heresiazko kimaketa eta mentaketak, dena ikasgai dute, dugu, batzuk landarezaintzan ere zapaltzailea den ortodoxiaren putzuan. Putzu honetan zintzurreraino sartuta dabiltzanentzako gaurko proposamen hau heresia latza izango da; bera motza ez izanagatik ere mundua horrelaxe, ia itoan, dakusan euskaldun batek "munduari su eman eta Frantziara noa bizitzera" zioen...

Baratzean urteko landareak diren batzuk datorren urterako jaso eta bigarren uzta inork baino azkarrago nola jaso probatzera animatu nahi dut bateren bat. Gernikakoa ez bada Ezpeletakoa, edo Lodosakoa, edo mina, edo txorizeroa, piperren bat izaten da baratze gehienetan. Udazkenean uzta amaitzean landare hauek ohi bezala ipurditik atera gabe bere horretan lagako ditugu. Adar muturrak kimatu eta edozein inorkin bueltan jarriz, behetik goraino estaliko dugu. Belar ondua, garoa edo ira edo orbela bera erabili daiteke harro-harro jarrita. Piper landareak negua gozo-gozo igaroko du eta udaberrian laster jantzi eta loratuko da, auzokoaren landare berrien aldean goiz asko. Puntalakurlo dotorearen lana


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude