Bere hizkuntza sutsuki maite duen euskal hiztuna dugu Iñigo Aranbarri, eta normala denez, hoberena nahi du hainbeste maite duenarentzat. Sentimendu horrek bultzatuta bildu ditu Alberdania argitaletxearen eskutik plazaratu berri duen «Hitzak eta giltzak» liburuan jasotzen diren gogoeta guztiak. Euskara bizi-bizia izan dadin nahi duelako. Eta hiztegietan eta gramatiketan ez ezik, hiztunon ahoan dagoelako benetako komunikazioaren giltza, hiztun entzulearen belarria sarraila delarik. Hizkuntzaren kontaminazio edo degradazioa salatzetik abiatzen da, eta horretarako erremedio batzuk eskaintzen ditu, bere hiztun konpetentearen ikuspegitik, baina gehiegi estrapolatu nahi gabe egindako gogoetak dira bereak. Hizkuntzaren paisaia basamortu bihurtzen ikusten duelako eginak, zeren nahiz eta azken urte hauetan euskara izugarri hedatu den eta alor berriak ere irabazten ari den, hedatzen ari garen euskara horren kalitatearen inguruko kezkak sortu zaizkionik ere bada, eta horien artean kokatzen da Iñigo Aranbarri eta «Hitzak eta giltzak»eko hausnarketa ere. Euskararen egokitasuna bilatuz, kanpoko irizpideen zain egon gabe, euskararen barrutik egindako gogoetak hauek.

Antologia egilea,
Koldo Izagirre
SUSA
62 orrialde
700 pzta/ 28 lib.

KARLOS SANTISTEBAN/JON ZABALETA
AIZKORRI
93 orrialde
850 pezeta
34 libera

Jon Zabaletaren marrazkiekin eta Karlos Santistebanen irudimenak sortutako istorioaren barruko abentura guztiekin osaturik dago «Erotrena», hamar urtetik aurrerako neska-mutikoetan pentsatuz Aizkorri argitaletxeak plazaratu duen hauxe. Irati da liburuko protagonista nagusia, haren ahotik ezagutuko baititugu ikasgelakoekin tren museora joan eta berari eta hain gogoko zuen Iker ikaskideari Eurotrenean, Westrenean, Trentzanian, Titrenicen eta beste askotan gertatu zitzaizkien guztiak. Kuxkuxero amorratuak izaki biak, halako batean andereño eta beste ikaskideengandik banandu eta tren berezi batean sartzea ez zitzaien bururatu bada? Tren horretan gizon bitxi bat zegoen. Hark zioenez, berak asmatua zen komuneko uraz zebilen tren hori, probatu nahi al zuten? Baietz, besteek. Eta horrela hasiko zen Irati eta Ikerren abentura.

GAIAK
KOLDO ZUAZO
ARABAKO FORU ALDUNDIA
298 orrialde
1.700 pezeta
68 libera


Nafarroako Unibertsitate Publikoko irakasle bi (Orreaga Ibarra eta Patxi Salaberri) eta EHU/UPVko beste bi (Iñaki Camino eta Koldo Zuazo) aspaldi elkartu ziren dialektologia ikerketak bultzatzeko asmoz. Eta elkarlan horren ondorioz, 1998an «Nafarroako hizkerak» liburua kaleratu zuten. Oraingoan, berriz, EHUk Donostian antolatu ohi dituen Udako Ikastaroen babesean duela bi urte aurkeztu zituzten emaitzak jasotzen dituen «Dialektologia gaiak» liburuarekin datoz. Koldo Zuazo arduratu da Nafarroako hizkerak ez ezik, beste eremu batzuetakoei ere leku egiten dien lan bilduma hau osatzen. Ukitutako gaien artean, Bermeoko hizkeran gertatzen ari diren aldaketak, Donostiako euskararen zertzeladak, Luzaideko hizkeraren azterketa, eta euskal azentuaren gaineko ikerketen berri ematen duen txostena daude.

Luis Mari Mujika
HIRIA
381 orrialde
2.950 pezeta
118 libera