Porto Alegre, Brasilen, eta Davos, Suitzan, joan den astean egin ziren bi foro oso ezberdinen eszenatokiak izan dira. Brasilen Munduko Foro Soziala egin da eta Suitzan Munduko Ekonomia Foroa. Brasileko Foroak, non euskal ordezkariak ere egon diren, pobreak eta gizarte bidezkoago baten alde daudenak ordezkatu ditu. Suitzakoak globalizazioaren eta neoliberalismoaren edo kapitalismoaren aldeko bankariak eta jaun handiak ordezkatu ditu. Foro bakoitzaren mezuak, hortaz, oso ezberdinak izan dira. Porto Alegreko Foroak aliantza zabal baten aldeko apustua egin zuen, globalizazio eta neoliberalismoaren alternatiba izango den gizarte bat eraikitzeko, lanaren eta aberastasunaren banaketa eta gizartearen parte-hartzea sustatuko dituen gizarte eredua bultzatuz. Hegoko herrialdeen kanpo zorra deuseztatzea ere aldarrikatu zuen. Davoseko foroak multinazionalen mesederako erreforma liberalizatzaileen eta baliabide naturalen eta zerbitzu publikoen pribatizazioaren aldeko apustua egiten darrai. Hala, Hegoa eta Iparraren arteko borroka erradikalizatuz joango da aurrerantzean