NEKAZARI EKOLOGIKOAREN ALDE

  • Landareak bereiziak, klonatuak, txertatuak, hormonaz kastigatuak eta abar luze eta ikaragarri bat pairatzen dute gure aspilera iristerako. Gero horrelako porru haziak...

2007ko otsailaren 21an
San Blas inguru honetan negua bere oneratu duena Kandelariren ataka izana, itsasoa oporrekin lotzen duten euskaldunen lurraldeko landareren batetaz aritzeko aitzakia ederra. Gaurko hau bota gabe, ordea, bakar bakarrik patrika beroa ametitzen duen ortodoxiari lotutako patologiaren beldurra azaldu nahi izan dudan azken artikulotxoetako gara ez dut zapuztu nahi.
Nekazaritza ekologikoaren aldeko trabesa da. Munduan hain txorrotx hezitzen dugun gosete endemikoa asetzeko aukera bakartzat ustiakuntza paranoikoa aldarrikatu izan da. Izana izango balitz soilik, gaitzerdi... baina egun ere nagusi da. Animaliak... beno, beno, bakoitza berera! Landareak bereiziak, klonatuak, hibridatuak, txertatuak, inausiak, hormonaz kargatu eta kastigatuak, petrolioa eta botikagintza multinazionalen hondakinetatik sortutako errejiloiaz puztuak, paper poltsatan sartuta ernalduak, gobernatuak, botikekin babestuak, aregizari, spray eta abarrez kosmetikatuz apainduak eta abar izugarri luze eta ikaragari humanoa pairatzen dute gure aspilera iristerako. Gero horrelako porru-haziak...
Negutegiak inoiz ez erabat itxi, haizeetatik babesteko sareak kendu, naturaren geografia osoan garatua dagoen konpetentziaren oreka sustatu... hau da, jateko gauzekin patrikakoekin bezala ezin jolas daitekeela ikasi dute nekazari ekologikoek. Jakietaz ari naizela, sanblas opila, ederra! Hurrengo astean hauen anixaren zaporeaz... Igual hori ere...


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude