NON EGIN ZEN MUNDUKO PILOTA TXAPELKETA 1970EAN?

  • Joan den urtean kaleratu zuen ARGIAk mahai jokoa. Orain, Interneten, euskaraz eta edonoren aurka "tribial"ean jokatzeko aukera dago. Lehiakide internautak dado birtuala abian jarri besterik ez du
.
Lehen jokalaria San Frantziskon, bigarren jokalaria Argentinan, hirugarrena Bartzelonan eta azkena Gasteizen. Ez dute elkar ezagutzen. Lau euskaldunek ordea, Euskal Herriari eta euskal kulturari buruz duten ezagutza frogatu nahi dute.
Jokatzeko eta gehiago ikasteko aukera "Argiaren Mendean", ARGIAk Interneten jarri berri duen "tribial" birtualak ematen die. Jokoak badu aurrekaririk, joan den urtean plazaratutako mahai jokoa, baina azken honek muga fisikoak gainditzeko aukerarik ez du ematen. Horretara dator joko birtuala; parez pareko ordenadoretan eserita aritu daiteke edo mila kilometrotako distantzia egon daiteke jokalarien artean. Jokalariak, gainera, "chat" baten moduan komunika daitezke partidak irauten duen bitartean.
Mahai jokoan aritzeko gogoa izanez gero, fitxak, dadoak edota taula bera eskuratu beharko genituzke lehenbizi. Bada, Internet bidezko jokoan buru-belarri hasi aurretik "shockwave" izeneko "plug-in"a ekarri behar dugu.
Orain pentsa ezazu lagun koadrila asteburu pasa joanda ostatu batean hartu duzutela lo egiteko tokia. Eguraldi txarra dela medio ARGIAren mahai jokoan aritzea erabaki duzue. Asko zarete eta lau taldetan banatu zarete. Lehenengo, bigarrengo, hirugarrengo eta laugarrengo logeletan partida bana hasi duzue. Mahai bakoitzeko arduradun bat izendatu duzue, mahaiak osatzea ez baita ahuntzaren gauerdiko eztula izan: "nik bigarren mahaian nahi dut", "nik ez dut laugarrenean jokatu nahi". Arduradunak mahai bakoitzean jokalariaren jokatzeko eskaria onartu edo atzera bota du eta jokoan hasi zarete.
Ostatuko gela horietan gerta daitezkeen saltsak errepika daitezke Interneteko jokoan. Horregatik, jokatzeko gogoa erakusteaz gain, aurkariak topatu behar dira. Mahai berri bat sortu nahi duzun edo lehendik osatzen hasia den mahaian sartuko zaren proposatu behar duzu. Mahai bakoitzak bere izena hartuko du eta arduradunak izango du azken hitza. Ez dago zertan ordenadorearen aurrean esertzea otu zaizunean halabeharrez jokaturik. Hitzorduak egin daitezke eta asteburuan, larunbat arratsaldean jokatzeko aurkariak zein diren jakin dezakezu. Mahai jokoarekin bezala gertatzen da, ama, aitona, anaia, laguna edo auzokidea konbentzitu behar dira jokatzeko, edo lehiakide bat, bi edo hiru. Beraz, zure burua aurkeztu eta jokatzeko irrikitan zarela adierazi eta lehiakide gehiagok izena ematen dutenean, elkar onartu duzutenean ekin jokoari!
Euskal merkatuan gazteleraz eta frantsesez eginiko antzeko produktu ugari den arren, euskarazko eskaintza oso urria da. Joko moduan badira puzzleren batzuk eta baita Gipuzkoako Foru Aldundiak argitaratu berri duen estropadetako jokoa ere. Joko hauek ordea, CD-ROMetan kaleratu dira. Euskal Herria eta euskal kultura osotasunean hartzen dituen joko birtualik ez da. Ametzagaiña taldeak, ARGIAren eskariz egin duen "Argiaren Mendean" joko elektronikoa, joko aitzindaria dela esan daiteke. Gure Mendeak, aisialdirako oinarritzat euskararen erabilera eta euskal kultura hartzeaz gain, Interneten euskararen erabilera bultzatzen baitu.
Orain ez dago aitzakiarik. Jokatu, ikasi eta bide batez, Internetaren laguntzarik gabe ziurrenik ezagutuko ez genituen euskaldunak bisitatu.

"ARGIAREN MENDEA" JOKATZEKO PAUSOAK
Sartu http://argia.eus/mendea/jokoa.htm helbidean. Lehenengo pantaila denez, jokatu nahi duzula adierazteko zure izena idatzi eta "bidali" klikatu. Ezkerreko bi pantailetan osatu gabeko mahaiak eta mahairik gabeko jokalariak agertuko zaizkizu.

Bigarren pantailan zure izena "Itxaron gela"n ikusiko duzu. Jokatzeko gogoz zarela adierazi duzu, baina jokorako mahaia ez duzu aukeratu. Jokalari kopurua osatu ez duen mahaia edo mahai berriren bat sortu nahi duzun adierazi behar duzu bigarren pantailan.

Eman dezagun mahai berri bat eratu duzula. Uneotan zu zara mahai berriko arduraduna eta zu bakarrik zaude jokatzeko prest. Hemendik aurrera zuk sortutako mahaian jokatu nahi dutenei baiezkoa ala ezezkoa esatea dagokizu. Bi, hiru edo lau jokalari elkartutakoan, arduradunak erabakiko du jokoa abian noiz jarri.

Jokoa zurrunegia eta hotzegia izan ez dadin elkar komunikatzeko aukera izango duzue. Horretarako, jokalari bati mezua bidaltzeko txokoa daukazu.
Eta besterik gabe jokoan hasteko ordua da. Zure txanda da, dadoak bota, itxaron eta galderak ahalik eta hobekien erantzun. Zorte on!


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude