EROSKIK 14.000 LANPOSTU SORTU DITU AZKEN HAMARKADAN
- Eroskik hogeita hamar urte beteko ditu aurten, eta emaitza guztiz ikusgarriak lortu ditu fakturazio, inbertsio eta enplegu sorkuntza arloan. Espainiako Estatuko banaketa talde handienetakoa bihurtu da, Europako handienekin ere lehian sartuz.
Eroski Mondragon Korporazio Kooperatiboa (MCC) Taldearen barruan dago, eta Elorrion du bere elkarte-egoitza. 1999an irekitako zentroetan sortu ziren 2.063 lanpostu berriekin Eroski Taldearen gaur egungo plantila osoa 20.750 langilek osatzen du. Kataluniako Distac eta Disbof sozietateak eta Nafarroako Aundia erosi izanak beste 600 lanpostu finkatu zituen. 2000. urterako 70.000 milioi pezetako inbertsioak aurreikusten ditu, Carrefour eta Promodés elkartzearen ondorioz sortuko den erraldoi indartsuari aurre egite aldera establezimendu berriak irekitzeko.
Eroski Sozietate Kooperatiboak 1996an sortu zuen lanpostu gehien -490 lanpostu-. Jatorrizko Eroski kooperatibak, 1999. urtearen amaieran, 5.000 langile baino gehiago zituen. Aipagarria gertatzen da kooperatibak azken sei urteetan izan duen hazkundearen azkartasuna, 1994tik 1998ra bitartean 2.000 lanpostu sortu baitira kooperatiban. Plantilaren zati nagusia Bizkaian dago, %54 bilduz. Gipuzkoan %20. Nafarroan %9. Araban %11. Errioxa, Kantabria eta Burgosen %2 bakoitzean.
Eroski Sozietate Kooperatiboko bazkideen batez besteko adina 34 urtekoa da. Emakumezkoena hortik behera dago, eta 33 urte eta 7 hilabetekoa da. Gizonezkoena, berriz, 36 urtekoa da. Plantilaren %76 emakumeek osatzen dute eta gizonek %24. Horrek esan nahi du kooperatibako hamar bazkidetik zortzi emakumezkoak direla. Ehuneko hori goraka doa azken urteetan, eta kualitatiboki ere emakumezkoen partaidetza goraka doala esan daiteke. Izan ere, geroz eta handiagoa da enpresako ardura postuetara iristen den emakumezkoen kopurua. Barne promozioa eta emakumezkoen geroz eta prestakuntza profesional handiagoa dira horren arrazoiak.
Lanpostuaren kalitateari dagokionez, sektoreko lanpostu finkoen batez bestekoa %62koa da eta behin-behinekoena %38koa. Eroskin, berriz, finkoak (bazkideak) %76 dira eta behin-behinekoak %24. Eroskik kontratatzeko erabiltzen duen jokabidearen ezaugarri garrantzitsutzat har daitezke, baita ere, ikasketa-kontraturik ez egitea eta aldi baterako laneko enpresarik ez erabiltzea kontratuak bideratzeko.
Eroskiko arduradunek garrantzia handia ematen diote Gespa, S.C.P. finkatzeari. Taldeak 1997ko erdialdean sortutako sozietatea da Gespa, S.C.P., eta bere helburua kooperatiba baten barne antolamendua, ahalik eta antzekotasun handienekin, elkarte anonimo baten baitan txertatzea da, eta kapitalean, emaitzetan eta kudeaketan esku hartzeko aukera ematen die beren kabuz dabiltzan langileei. 1998ko amaieran, dagoeneko, 1.332 bazkide zituen Gespak.
Bertako langileen ordainsariei dagokienez, hitzarmenean jasotako sektoreko lanpostuen gehiengoa osatzen duen saltzailearen lanpostua erreferentzia gisa harturik, Eroski Sozietate Kooperatiboko urteko ordainsaria nabarmen gainetik dago hitzarmen probintzialetan ezarritakoarekin alderatuz gero. Baita Espainiako hipermerkatuen sektorean erreferentzi garrantzitsu den Biltegi Handien sektorekoarekin alderatuz ere. Gipuzkoako hitzarmenarekiko aldea %10ekoa da, eta Kantabriakoarekiko %34koa
1999ko ekitaldian nabarmen hedatu da MCCren negozioaren zenbatekoa. Haren salmentak %15,9 igo dira eta bilioi bat pezetako kopuru esanguratsua gainditzea lortu dute (1.044.000 milioi pezeta, 41.760 milioi libera, Industria eta Banaketa taldeei soilik dagozkienak). Halaber, Euskadiko Kutxak ere -nahiz eta berez salmentak ez izan, negozioaren bolumenarekin zerikusi zuzena duela kontuan izanik- gainditu egin zuen bilioi bat pezetako kopurua bere bezeroen baliabideetan urtean zehar; eta %11,7ko igoera izan zuen 1998arekiko. Taldearen etekina, zergen aurretik, 76.479 milioi pezetakoa izan zen (aurreko urtekoa baino %11 handiagoa).
MCCko plantila, 1999. urte amaieran 47.141 langilekoa zen. Urte horretan zehar 5.012 lanpostu berri sortu zituen, hasierako plantila %11,9 gehituz. Aipatzekoa da, plantila guztiaren artetik, 1999. urte amaieran, kooperatibek partaidetza duten atzerriko sozietateetan, 2.815 langile zeudela eta urte horretan bertan, 1999ean, 408 langileko igoera izan zutela (%17koa, hain zuzen ere).
MCCk 1999an egindako inbertsioak 87.515 milioi pezetakoak izan ziren. Aurreko urtean kopuru hori 70.763 milioi pezetakoa izan zenez, igoera %23,7koa izan da. Inbertitzeko joera handiago horren oinarrian arrazoi bat baino gehiago aurki genezake, hala nola, eskaeraren maila ona, korporazio barruko enpresa proiektu ugariak eta horiek finantzatzeko erraztasuna ("cash flow" ugariari eta interes tasa baxuari esker). MCC Taldeak 120.000 milioi pezetako inbertsioak aurreikusten ditu, eta horrek, %38ko igoera adierazten du
Herrietako bost kontsumo kooperatibek bat egitetik sortu zen. 1969an Comerco sortu zen, aipatutako bost kooperatibak bilduz. Hurrengo urterako Eroski izena zuen. Bi urte geroago Eroskik 32 salmenta gune eta 17.000 bazkide kontsumitzaile zituen. Salmentek nabarmen egin zuten gora eta, elikaduraren sektorea gaindituz, geroz eta sektore gehiagotara zabaldu zen. 80ko hamarkadan Eroskik 100.000 bazkide zituen, hau da, Hego Euskal Herriko familien %15 gutxi gorabehera. Ordurako, 1981ean, Eroskik %38ko igoera izan zuen aurreko urtearekiko, 15.000 milioi pezetako (600 milioi libera) fakturazio orokorrera hurbilduz. Urte horretan bertan, garrantzi handiko gertakari bat gauzatu zen, hots, Gasteizko Hiperraren irekiera, Eroski "hedadura berri" baten bidean sartuz.
1983an, Eroskik %18ko igoera izan zuen aurreko ekitaldiarekiko eta bere salmentak 22.600 milioi pezetatik gorakoak ziren. 1984an 168 lanpostu berri sortu zituen, urtea amaitzerako 1.246 bazkide-langile bilduz. Bitarte horretan, Espainiako Kontsumo Institutuak urtero ematen duen kontsumo arloko ikerketagatiko saria jaso zuen. 1987an beste bost zentro gehitu zizkion bere merkataritza-sareari, Bilbon, Gasteizen, Leioan eta Urduñan, eta sare horri Erosle osatzen duten 176 establezimenduak gehitu zizkion. Urte horretan hasi zen banatzen "Eroski" aldizkaria eta "Eroskide". 1992an Valentziako Consum kooperatiba MCCren barruan sartu zen. Urte horretan, 6.938 langileko plantilarekin, 190.630 milioi pezetako salmentak, 223.629 milioiko inbertsioak eta zergen ondorengo 3.697 milioiko irabaziak izan zituen. 1993an, Barakaldoko Max Center ireki zen.
1995ean, Eroskik 25 urte bete zituen. Azken urtean, 9.763 langileko plantilarekin, 304.285 milioi pezetako salmentak, 17.121 milioi pezetako inbertsioak eta zerga ondorengo 4.323 milioi pezetako irabaziak izan zituen. Euskal Herriko banaketa talde honek 1998an sortu zuen lanpostu gehien. Taldeak 12.501 lanpostu zituen 1997an, eta 1998ko amaieran 18.687. Urte horretan bertan 493.751 milioi pezetako salmentak, 35.900 pezetatik gorako inbertsioak eta zerga ondorengo 8.256 milioi pezetako irabaziak izan zituen. 1999an 639.919 milioi pezetako fakturazioa eta 10.023 milioi pezetako irabaziak -1998an baino %21,4 gehiago- izan zituen.
30 urteren ondoren, Eroskiren egungo sarea honela dago eraturik: 44 Eroski eta Maxi hipermerkatu, 760 Consum supermerkatu eta 498 Charter autozerbitzu (bereak eta frankiziadunak), 2.714 establezimendu elkartu, bidaia agentziaren 79 bulego eta erregaia saltzeko 7 estazio
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Europako energia-enpresarik handiena da jada, eta bi handienetako bat munduan.
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Europako azken urteetako joerari jarraiki, derrigorrezko zerbitzu militarraren harrabotsa Alemaniara heldu da: SDP Alemaniako Alderdi Sozialdemokrata buru duen Defentsa Ministerioak borondatezko soldadutza ezarriko lukeen lege proiektua onartu du, "beharrezkoa" denean... [+]
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Bozketa arauei dagokionez hainbat aldaketa bideratu zituen maiatzaren 21ean bozkaturiko legediak. Bozkatzeko prozedura argiturik, abuztuaren 27an eman du hauteskundeen agendaren berri Frantziako Gobernuaren bozeramaileak.
LAIDA ikerketa taldeak Bermeoko Arrantzaleen museoan abuztuaren 28 eta 29 antolatutako ikastaroan egingo duen hitzaldiaren sintesia da Arestiren ekarpen artistikoa nabarmentzea.
Abuztuaren 9an errekor berria ezarri zuen Estefi Etxebestek (Ituren, Nafarroa, 2002) Sunbillako Ramon Latasa pilotalekuan. 100 kiloko harria 59 aldiz goratu zuen, eta 2014an Idoia Etxeberriak ezarritako 56 altxaldiak gailendu.
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]