GIPUZKOAKO UDAL MAHAIAK: INDARRAK BATERATUZ SUSTATU

  • sustatzeko hiru lan mahai sortu zituela. Udal administrazio zerbitzuei dagokiena bata, merkataritza alorrekoa bestea eta kirol jardueren ingurukoa hirugarrena.

2017ko azaroaren 28an
Gipuzkoako Foru Aldundiko Euskararen Normalkuntzarako Zuzendaritza Nagusiak bultzatuta Gipuzkoako lurraldean udalerri mailan euskararen erabilera sustatzeko garatzen ari diren plangintzak elkartu eta koordinatzeko hiru lan mahai sortu ziren 1996an. Ordutik orain arte, udaletako euskara teknikariek eskualde oinarriko antolamendu bat dute Gipuzkoan, lanean sortzen zaizkien arazoak elkarrekin eztabaidatu, konponbideak bilatu eta, bide batez, Eusko Jaurlaritzak hizkuntza politikaren alorrean ematen dituen irizpide orokorren barnean jokabideak bateratzeko. Hasiera-hasieratik, lehentasunezko hiru esparru hauetan dihardute lan mahaiok: Udal administrazio zerbitzuetako euskararen erabilera plangintzak; Merkataritza alorrean euskararen erabilpena sustatzeko udalerri mailako egitasmoak; Kirol jardueretan euskararen erabilpena sustatzeko plangintzak.


JAURLARITZA ETA UDALAK.

Udal administrazio zerbitzuen alorrean, lan mahaiaren zereginak bi norabide nagusi izan ditu: alde batetik, Eusko Jaurlaritzak 1997ko apirilean emandako dekretua (administrazio barruko hizkuntz plangintza arautzen duena) praktikan gauzatzeko egoera egokia sortzea; eta bestetik, dekretu horretan xedatzen diren erabilera programak antolatu eta garatzeko behar diren tresnak (informatika, legeak) euskaraz izateko bidea urratzea. Gainera, lan mahaian Eusko Jaurlaritzako teknikariak (HPS, HAEE) ere parte direnez elkarleku ezin hobea da ez Gipuzkoako udalei bakarrik, baizik Autonomia Erkidegoko hizkuntz politikari dagozkion arazo orokorrak ere eztabaidatzeko. Era horretan, esan daiteke lan mahaia bitarteko ere bihurtu dela, Jaurlaritzaren eta udalen artean jokamolde bateratuagoa lortzeko.


MERKATARIEKIN LANKIDETZAN.

Merkataritzako lan mahaia bi helbururekin sortu zen: udalerriek arlo horretan egindako lana koordinatu eta esperientziak trukatzeko eta Gipuzkoa mailako merkataritza erakundeekin solaskidetza eta lankidetza iraunkorra antolatzeko. Horren guztiaren ondorioz zenbait programa bultzatu eta maila guztietako harremanak landu dira, besteak beste, Gipuzkoako Merkataritza Ganbara, Gipuzkoako Merkatarien Elkartea edo Euskadiko Ferialarien Elkartea bezalako erakundeekin. Etorkizuneko xede nagusietako bat Gipuzkoan azalera handiren bat duten enpresetako arduradunekin harreman bideak zabaltzea da, sektorean euskarak bizi duen egoerari buruzko oinarrizko informazioa biltzeko eta aurrera begira elkarlanerako egon daitezkeen aukerak aztertzeko.


EUSKARA ETA KIROLA UZTARTUZ.

Kiroletako lan mahaiaren eginkizun nagusia izan da Gipuzkoako eskualdeetan euskara eta kirola uztartuko dituzten lan taldeak sortzea eta programak koordinatzea. Kirol arloa zabala dela ikusita, eskolako kirolari eman zaio lehentasuna, bai ikastaroen aldetik (monitoreen prestakuntza,...), bai materialaren aldetik (Euskarazko kirol materialaren bilduma,...). Kirol federatuan, berriz, lurralde mailako federazioen jardunean euskararen erabilera normalizatzeko hizkuntz zerbitzua jarri da Anoetako Kirol Etxean eta hitzarmenaren bidea ere aztertu da. Bestalde, Deba eskualdeko Kirola euskaraz programa Gipuzkoa osora zabaltzeko ahaleginak egin dira. Programa honen lan ildo nagusiak dira euskarazko kirol materialaren sorkuntza eta banaketa, monitore eta entrenatzaileen prestakuntza, udako kirol eskola eta sentsibilizazioaren arloa, eta abar.
Agintaldia amaitu bitarteko lan programa ongi definitua dute lan mahaiok, eta eskuartean ekimen ugari bultzatzeko, beraz


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude