Maria Luisa Lopez Ballano "Promozioaz biziki arduratzen gara''

1988ko otsailaren 21an

Maria Luisa Lopez Ballano-rekin elkarrizketan.
"PRINCIPE DE VIANA"KO KULTUR EKINTZETAKO ZUZENDARIA MINTZO.
Maria Luisa Lopez Ballano "Promozioaz biziki arduratzen gara''
Nork nahik dabi garai batean `.Principe de Viana.'k euskal kulturaren hedapenean Nafarroan nolako garrantzia eduki duen. Orain ere bide beretik doa. Maria Luisa Lopez Vallanok postua hartu berria du eta bere eritzia ezagatu nahi genuen.
ARGIA.–Zer nolako ekintzak bultzatzen ditu «Principe de Viana»k?
MARIA LUISA LOPEZ BALLANO.– Era askotakoak, hor dituzu arte plastikoak, musika, literatura, antzerkia, dantza eta abar. Guzti guztietan hiru adarrez arduratzen gara, formazioaz, zabalkundeaz eta promozioaz. Hemengo taldeei irtenbidea ematen saiatzen gara kanpokoak gaitzetsi gabe. Baditugu komenioak hainbat talderekin: kontzertuetarako koral de kamara, Santa Cecilia, ikerketatarako "Ortzadar"ekin, Jeronimo de Ustaritz istitutuarekin, Euskal Dantzarien Biltzarrarekin, Bertsolarien Lagunekin, Amigos del Arterekin eta beste batzurekin.
A.–Nola eramaten duzue kultura herrietara?
L.B.–Nahi duten Udaletxe guztiekin kultur ekintzak egiten ditugu, badira programak mila biztanle inguruko herrietarako eta hortik beherakoetarako ere. Denek jasotzen dute subentzioa kultur ekintzetarako. Urtean, jakina, ezin gara denetara iritsi, baina subentzioa izaten da nahi duten denendako.
Bestalde, ekipo, ikastaro eta abarretarako laguntzak izaten dira, kultur trukaketak herri batzurekin; iaz Baiona, Gasteiz eta . Zaragozarekin, aurten Gipuzkoa, Bizkaia eta Estatuko beste herri batzurekin ere egin nahi genituzke.
Ezin ahaztu hasten ari diren artista gazteentzat izaten diren laguntza, erakusketa eta aukeren prestakuntza.
A.–Ez zaizu iduritzen euskal kultura Nafarroan aski maingu dabilela?
L.B.–Ez dut hain maingu ikusten, egia da ez dagoela indarrean baina aintzinera doa, noiz nahi egon da mainguago; bestalde uste dut behar eta eskaera bat sortu behar duela euskal kulturaren alorrean, eta hori sortzen den neurrian erantzun eginen zaio. Erdarazkoetan eskaera gehiago baldin badago, erantzun egiten zaio eskaera hogi.
A.–Nolako independentziaz jokatzen duzue Gobernuarekiko?
L.B.–Hau Hezkuntza eta Kultura departamenduaren sail bat duzu, beraz irizpideak departamendutik heldu dira. Jakina, guk badugu geure gestio ahalmena, edo erabakitze ahalmena, geure propuestak egiten ditugu, independentziaz funtzionatzen dugu, baina errelatiboa da, beti dituzu eredu batzu departamenduak ezarriak.
A.–Aurre egin lekioke kultura bati bi istituzio desberdinetatik, irizpide sare eta idealogia diferentez, ez ote da desfeserik sortzen?
L.B.–Hizkuntzari dagokionez hori Hezkuntza Sailaren alorra dela esan behar dut eta ez doala «Principe de Viana»ren sarean, hala ere jabetzen naiz garrantzia gehien duen gaia hori dela. Kulturari dagokionez berriz, guk ez dugu inolako arazorik guk oso harreman onak ditugu Euskadiko entitateekin: izaten dira orkrestra, antzerki eta abarreko trukaketak. Ez dugu inolako kontradikziorik. Arazoa sortzen da behar bada hezkuntzan, komunitate diferentetik irizpide desberdinekin euskararen aterari aurre egiten diotenean.
A.–Zer dirudizu karrikan Nafarroako Jaialdiei egiten zaion kritikak?
L.B.–Hori ez da prolema. Puntu batzutan arrazoia izanen dute eta beste batzuetan ez. Ez dugu Jaialdien filosofia aldatzea pentsatu, bide beretik jarraituko da. Asmoa da ikuskizun edo espektakulo ekintzak egitea, hain zuzen horretxegatik deitzen dira Jaialdi, formazioa urtean zehar zaintzekoa dela uste dut, ez orduan. Gauza bera promozioari buruz.
Bestalde ekintzak herrietan eginen dira, merinalde buruetan batez ere. Espetakulu motaz mintzatuz, uste dut ahalik eta jende gehienarengana heldu behar duen ikuskizuna izan behar duela, baina kalitatearen langa jetsi gabe.
IÑAKI CAMINO

"Ez dut Nafar kultura hain maingu ikusten, egia da ez dagoela indarrean baina aintzinera doa, noiz nahi egon da mainguago".
51

GaiezKulturaKultur ErakPrincipe de
GaiezKulturaKulturgintz
PertsonaiazLOPEZ3
EgileezCAMINO1Kultura

Irakurrienak

Matomo erabiliz

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Bizkaia: EAJren gotorlekua kolokan?

Jon Azkune Torres

Ez da zapalkuntza? Orduan, asimilazioa

Ane Ablanedo Larrion

Pribatura noa

Josune Azurmendi

Gipuzkoa: Biren arteko jokoa

Iker Iraola Arretxe

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude