Emakumeak borrokan

"Zirrara sortzen du Korrika Parisen egiteak"

  • Igandean egin zuten Korrika Parisen. Lorea Ibañez (Amurrio, 1987) izan zen antolatzaileetako bat. Frantziako poliziek seinaka eta espaloitik joateko baimena soilik eman zieten, baina giro eta umore onean egin zuten korrika.

Izar Mendiguren
2017ko martxoaren 22a
Lorea Ibaņez, aurtengo Parisko Korrikan. Argazkia: L.I

Igandean izan zen Pariseko Korrika. Zer egin zenuten?

Ibilbide bat finkatzen dugun bigarren aldia da, nahiz eta  20. Korrika izan. Berez 2,9 kilometro egiten ditugu Parisen, Montmartretik hasi eta Santuenen dagoen Euskal Etxera.

Erritmo lasaian joaten saiatu ginen, parte hartu nahi zuen edonork kilometro horiek egin zitzan. Euskal Etxera heldutakoan, poteoa eta erromeria izan genuen Z'anonymes taldearekin.

Ez da ohikoa Parisen euskararen aldeko ekimenak ikustea. Nola erreakzionatu zuen jendeak?

Urtean zehar euskararen aldeko bi edo hiru ekitaldi egiten dira, "Laburbira", "Herri Urrats" eta bi urtetik behin, "Korrika". Azken hau duela bi urte egin genuen Parisen lehen aldiz. Hasiera batean "petit commité" moduan egiten zen Euskal Etxean. Beraz, jendeak ideia berri honi irmo heldu dio, badakite euskararen aldeko ekimen oso ezaguna dela. Korrika Parisen egiteak zirrara ematen du.

Euskal Etxea duzue topaleku. Euskara sasoi onean al dago bertan? Zenbat euskaldun daude?

Pariseko Euskal Etxeak guztira 600 bazkide ditu, eta horietariko 300ek hartzen dute parte ekimenetan. % 90 iparraldekoak dira, gehiengoa jende nagusia da, hurrengo belaunaldiari euskaraz irakatsi ez diona. Euskal Herritik datozen gazteen % 70ak, berriz, euskaraz hitz egiten du.

Euskal Herriko euskalki guztiak ditugula uste dut. Oso polita da entzutea zelan aritzen garen, bakoitza bere euskalkiarekin eleketan! Oso ondo konpontzen gara, eta  asko handitu dugu hiztegia sinonimoekin... Etortzera gonbidatzen zaituztet, mazedonia polita topatuko duzue bertan eta!

Nola bizi da atzerritik Korrika?

Ekitaldi berezia da Korrika. Niretzat oso hunkigarria da, bai Parisen eta baita Euskal Herrian ere. Bertan zaudenean, eta jendea euskararen alde korrika dabilela ikusten duzunean, bihotzez eskertzen duzu herrian jaio izana. Oso une politak dira, eta hala jarraitu behar dugu, euskarari momentu politak emanez.

 

Ez da antolatzen duzuen aurreneko aldia. Abentura edo bitxikeriarik kontatzeko ez zaizue faltako...

Abentura mordoa dauzkagu bai... Liburu bat idazteko beste! Oraingo honetan gendarmeek lortu dute urrezko izarra. Duela bi urte bezala, errepidea blokeatzeko baimenak eskatu genituen (2-3 hilabeteko aurreikuspenarekin). Beno, ba artista koadrila horrek bezperan eman zigun baimena... Baina ez da hor bukatzen abentura. "Manifestaldi" bat egiteko aukera baimendu ziguten, baina seinaka eta espaloitik joanez gero! Zelan egingo dugu guk Korrika ondo espaloitik eta seinaka?! Azkenean, Montmartren geundela, inor ez zegoenez kontrolatzen, gure saltsan egin genuen korrika, errepidea "blokeatzen", musikarekin eta denok elkarrekin!

Zein da lekukoaren bidez zabaldu duzuen mezua?

Gure mezua sinplea izan da: globalizatua dagoen mundu batean, zeinetan kultur asko nahasten diren, ez galtzea identitatea (Paris horren eredu ona da). Gauden lekuan gaudela, euskaldunok euskaraz bizi nahi dugu!

Elkarrizketa hau Aiaraldeak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Korrika  |  Euskal diaspora  |  Paris

Korrika kanaletik interesatuko zaizu...
2019-05-14 | ARGIA
Korrikak eta AEK-k elkartasuna adierazi diete presoen argazkiak eramateagatik atxilotutako lagunei

“Alderdien arteko tirabiren jokoan” eragiteko nahia ikusten dute atxiloketen atzean Korrikak eta AEK-k. Sortuk eta Amnistiaren Aldeko eta Errepresioaren Aurkako Mugimenduek ere kritikatu dute polizia operazioa.


Euskara Sistema Eragilean

Aplikazio bat izatetik Sistema Eragilean txertatzera igaro behar du euskarak, Maialen Lujanbioren esanetan. Ados! Euskararen premia gizartearen elementu periferikoetara mugatzen bada, jai dugu epe ertain-luzean.

Zein da, bada, gure sistemaren zutabea? Zalantzarik gabe, ekonomia. Horrek ezartzen ditu gure bizi baldintzak maila profesionalean eta horretara bideratutako hezkuntza sisteman. Baita, arlo pribatuan ere, kontsumitzaile bezala. Heziketa-Ondasun-Kontsumo hirukoaren arabera dugu... [+]


2019-04-26 | Iņigo Gandarias
KORRIKA edo oinez?

Egun batzuk pasa dira Euskal Herrian burutzen den ekitaldirik berezi, hunkigarri, zabal eta politena bukatu zenetik, KORRIKA, alegia. Hamaika egunez gure geografia osoa zeharkatu du, muga guztien gainetik, izan ere euskararen herriari ezin baitzaizkio mugak jarri.


Dylan Inglis: "Euskaldun kontzeptua ederra da"
MULTIMEDIA - elkarrizketa

Dylan Inglis Devonen, Ingalaterran, jaio zen. Euskal Herrira egindako oporraldi batean egin zuen topo euskararekin eta ikasteari ekin zion; gaur egun, batuaz bezain ongi mintzo da zubereraz. KORRIKAn parte hartzeko egin digun bisita baliatu dugu elkarrizketa txiki hau egiteko.

Hemen duzue orain dela hilabete batzuk Mikel Asurmendi kazetariak egin zion idatzizko elkarrizketa: https://www.argia.eus/argia-astekaria/2631/dylan-inglis


2019-04-16 | dantzan.eus
Oņatiko dantzarien Korrika

Aurrena luzaidarrak eta ondoren oñatiarrak, korrika dantzan. Larunbat goizean igaro da korrika Oñatitik eta Oñatz dantza taldeko dantzariek dantzan eraman dute lekukoa. Oñatzeko bi kidek lekukoa hartu duten momentuan, dantza taldeko gainerako kideek ere aurrealdean sartu dira kaskainetekin.


2019-04-15 | Amaia Fernández
Klika! 21. Korrika 2019
MULTIMEDIA - ekitaldia

Hamaika egun eta 2.500 kilometro baino gehiago egin eta gero, 21. Korrika Gasteiza iritsi zen atzo. Milaka lagun elkartu ziren euskararen alde.


2019-04-15 | ARGIA
Kilka! sistema eragilean

Gasteizko Andra Maria Zuriaren plazan milaka lagunen aurrean Maialen Lujanbio bertsolariak irakurri du Korrikan eskuz esku pasatako mezua.


2019-04-15 | Hala Bedi
Argazki bilduma
Aro berri bati 'Klika' Gasteizen

11 egun, 2.500 kilometro baino gehiago eta Euskal Herriko ia bazter guztiak zeharkatu ostean, 21. Korrika Gasteiza iritsi da. Garesen hasi zen euskararen aldeko lasterketak Gasteizko kaleak bete ditu kolore anitzetako irudiak utziz. Andra Maria Zuriaren plazan, Maialen Lujanbio bertsolariak irakurri du sekretupean zaindutako mezua.


Eguneraketa berriak daude