ARGIA.eus

2022ko abuztuaren 19a

Zer da ebola?

Ebolak 900 pertsona hil ditu Afrikan (argazkia: BBC)
Judith Perez @judyjudd
2014ko abuztuaren 13a

Guilartek azaldu duenez, bi ezaugarrik eberdintzen dituzte egungo izurritea eta lehenago izandakoak: Kasu asko daudela eta gune oso jendetsuetan. “Orain arte isolatutako kasuak izan dira eta kutsatzeko arriskua txikia zen. Egungo egoerak kutsatzeko arriskua izugarri handitzen du”, adierazi du medikuak.

Ebolaren sintomak katarro edota gripearen oso antzekoak dira: “Lehenengo sintomak sukarra edo kongestioa dira. Baina egun gutxitan barneko hemorragiak agertzen dira, organoetan eragiten du eta egun edo aste gutxitan heriotza ekar dezake”.

Ebolaren heriotza tasa oso handia da, %90ekoa, eta gaixotasunak ez du osabiderik. Prebentzioak duen garrantzia handia nabarmendu du Guilartek, izan ere kutsatzea oso erraz ematen da, zuzeneko kontaktu fisikoaren edo fluidoen bidez. “Odola edota listua oso kutsakorrak dira. Horregatik prebentzio neurriak hartzea oso garrantzitsua da”.

Guilartek azaldu duenez, ebolaren eraginik larrienetako bat “isileko heriotzak” dira: “Jendeak ikusten duena da norbait gaixo jartzen dela, ospitalera doala eta hiltzen dela. Honek ospitalekiko eta medikuekiko izua eta mesfidantza eragiten du. Jendea ez da ospitaletara hurbiltzen, ez dute tratamendurik jasotzen beste gaixotasunak sendatzeko eta, horregatik, beste gaixotasunekin lotutako heriotza-tasa ere igotzen da”.

Ebolari aurre egiteko giza baliabide eta baliabide material handiak beharrezkoak direla adierazi du medikuak. Bere ustez garrantzitsuena eta beharrezkoena da OMEk eta Osasun Ministerioek erantzun eraginkorra ematea ebola kasuak agertzen ari diren lekuetan, birusaren hedapenarekin bukatzeko.

Kanal hauetan artxibatua: Ebola  |  Afrika

Ebola kanaletik interesatuko zaizu...
2021-02-22 | ARGIA
COVID-19az gain, Ebola agerraldiak atzeman dituzte Afrikan

OME Osasunaren Mundu Erakundeak jakitera eman duenez, Kongoko Errepublika Demokratikoan eta Ginean atzemandako bi ebola agerraldiek aurrera egin dute. Nazio Batuen Erakundearen Osasun Agentzia birusa zergatik agertu den ikertzen ari da. OMEk gogorarazi du COVID-19a ez dela... [+]


Kongoko Errepublika Demokratikoa laguntzeko deia nazioarteari, ebolaren egoera larria dela eta

Ebola Gomara (Kongoko Errepublika Demokratikoa) iritsi da, Ruandatik 20 kilometrora dagoen hirira. Mugatik hain gertu dagoen hiri batera iritsi denez, Munduko Osasun Erakundeak nazioarteko intereseko larrialdi gisa sailkatu du egoera.


Salome Karwah
Ebolaren aurkako borrokaren sinbolo bihurtu zen emakumea hil egin da, medikuek laguntza ukatu ondoren

Salome Karwah liberiarrak ebola gainditzea lortu zuen 2014an. Otsailaren 22an hil egin zen, erditu ostean. Bere senideek salatu dutenez, medikuek ez zuten artatu nahi izan. Ebolaren inguruko estigmaz eta emakumeek Afrikako zenbait herrialdetan izurriteaz geroztik jasaten duten... [+]


2016-01-20 | Jon Torner Zabala
Davos 2016
Zer gai izango dute hizpide agintari politikoek eta enpresariek?

Robotak, terrorismoa, migrazioak edota desoreka sozialak izango dituzte hizpide Davoseko (Suitza) eski estazioan bildu diren agintari politikoek, enpresariek eta Leonardo DiCaprio bezalako hainbat pertsona famatuk. Urtarrilaren 23ra bitartean egingo den Munduko Ekonomia Foroak... [+]


Irakurrienak
Argia buletina
Egunaren laburpena
zure e-postan
Eguneraketa berriak daude