Urtarrilean Garoñan izandako sute baten berri eman dute orain

  • CSNk Espainiako Segurtasun Nuklearrerako Kontseiluak orain argitaratutako akta batean jaso dute lokatza dekantatzeko gelaxka batean izandako gertakaria. Urtarrilean sute-hasiera bat izan zen Garoñan, baina atzora arte ez da ezagutzera eman.

Artikulu hau CC BY-SA 3.0 lizentziari esker ekarri dugu.

2018ko maiatzaren 24an - 12:46

Urtarrilaren 31n antzeman zuten sutea, 15:00etan, dekantatze-ontzien gelatxo batean. Ondorioz, suteen aurkako brigada bertaratu zen. Ordu laurden geroago, suhiltzaileek Kontrol Guneari eremu horretan sugeldo bat zegoela esan zioten, "ke askorekin". Sute txikiaren jatorria zehaztu ez badute ere, agirian aipatzen dute goizeko lan txandan lokatza dekantatzeko ontzi batean oxiebaketaren bitartez zulo bat egiten ibiliak zirela teknikariak.

Zenbait puntutan 200 gradu arteko tenperaturak neurtu zituen kamera termografikoak.

Su-itzalgailua erabili zuten suteari aurre egiteko, baina gero mauka bat baliatu behar izan zuten sua betiko itzaltzeko. Gelaxkaren beheko aldea urez bete zuten.

Arratsaldeko seietan kea eraikineko beste zenbait eremutara zabaldu zen, eta suhiltzaileek berriro ere parte hartu behar izan zuten. Agirian ikuskatzaileak zehaztu duenez, "nahikoa aireztapenik ez egoteak kearen presentzia handitu du. Erauzketa bidez egin behar izan da aireztapena, CLIM-HVH-2 motako bultzada-sistema zerbitzutik kanpo dagoelako".

Gertakaria izan eta hurrengo egunean aztertu ahal izan zuten berriro ere gelaxka, argazki kamera arrunt baten bidez. "Bertan oholtzak zeudela zirudien, eta baita hondoa estaltzen zuen narriatutako pasta bat". Berriro ur gehiagorekin estali zuten eremua. "Kanpotik ez dago sartzerik ontzien gelaxkaren beheko aldera, eta, ondorioz, ez da aurreikusten bertan dagoen material erregaia kentzea", diote txostenean.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Energia nuklearra
Energia nuklearraren ekoizpena maximo historikoan: seguru al gaude?

Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]


Nuklearra energia garbitzat hartzea eskatu du Europako Legebiltzarrak

Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]


Fukushimako urak isurtzeak ez duela arrisku esanguratsurik adierazi dute aditu batzuek

Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]


Microsoftek energia nuklearra erabili nahi du adimen artifiziala elikatzeko

Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]


Eguneraketa berriak daude