Ultraeskuinari harresia, baita Ipar Euskal Herrian ere


2024ko uztailaren 08an - 11:00
Peio Dufau eta Marie Heguy-Urain, Fronte Herritar Berriak seigarren hautesbarrutian ere irabazi zuela jakin berritan, Ziburuko plazan. (Argazkia: Sud Ouest)
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Frantziako Estatu mailan bezalatsu, edo are indartsuago, egin diote herritarrek aurre ultraeskuinari. Ipar Euskal Herrian harresia ezarri diote diskurtso homofobo eta arrazistei. "Eskuin muturrari dantzatzea ukatu diogu", zioten igande gauerdian, Lapurdiko kostaldean, Fronte Herritar Berria ezkerreko koalizioko kideek, haien hautagai Peio Dufau Parisera joango dela baieztatu berritan, ozta-ozta Macronen Ensemble-ri gailendu zitzaiola konfirmatuta.

Lehen itzulian baino aiseago gailendu zaio Fronte Herritar Berria koalizioa Batasun Nazionalari. Ekainaren 30ean 11.000 boto inguruko aldea atera zion ezkerrak ultraeskuinari, eta bigarren itzulian 30.000koa izan da diferentzia. Alegia, itzuli batetik bestera, ezkerrak hirukoiztu egin dio aldea ultraeskuinari.

160 udalerrietatik 142tan gailendu da Fronte Herritar Berria; Zuberoan, herri guztietan

Ipar Euskal Herriko eta Biarnoko zati bat hartzen duten hiru hautesbarrutietatik Frantziako Asanblea Nazionalera joango diren hiru diputatuak Fronte Herritar Berrikoak izanen dira: Iñaki Echaniz eta Colette Capdevielle sozialistak, laugarren eta bosgarren hautesbarrutietatik; eta Peio Dufau abertzalea, seigarrenetik.

Hiru hautagai horiek biderkatu egin dizkiote boto-diferentziak ultraeskuineko aurkariei. Hurrenez hurren, laugarren hautesbarrutian, Echanizek 11.000 bozeko aldearekin irabazi dio Batasun Nazionalari –7.000ko diferentzia atera zion lehen itzulian–; bosgarrenean, Capdeviellek 16.000 botoen aldea izan du –3.000koa izan zen lehen itzulian–; eta Dufauk, seigarren hautesbarrutian, bikoiztu egin du aldea, 3.000tik 6.000ra.

4. hautesbarrutia: Echaniz, botoen erdiekin

Zuberoa, Nafarroa Beherea, Hazparne eta Biarnoko herri batzuk hartzen dituen hautesbarrutian %73,9ko parte-hartzea izan da, lehen itzulian baino ia puntu bat handiagoa. 2022ko hauteskunde legegileekin alderatuta, ia 20 puntu egin du gora parte hartzeak.

Lehen itzulian baino are nagusitasun handiagoz, Fronte Herritar Berriko Iñaki Echaniz izan da garaile. Boto-portzentaian 10 puntu egin du gora –kasik 6.000 boto gehiago; guztira, 27.000–. Barrutiko botoen ia erdia lortu du.

Dena den, eskuin muturreko eta eskuineko bi aurkariek ere boto kopuru absolututan gora egin dute. Baina ez Echanizek bezainbeste: bien artean, igoera, ez da 5.000 botokoa izan.

5. hautesbarrutia: Capdevielle, astindua emanda

Kostaldeko hiri handiak –Baiona edo Angelu, esaterako– zein barrualdeko herriak hartzen dituen barruti honetan, Batasun Nazionalak soilik Gixunen irabazi du, oso tarte txikiagatik, eta gainerako udalerrietan ezkerra atera da garaile.

Colette Capdevielle sozialistaren hautagaitzak 40.607 boz jaso ditu, boto guztien %62,64, eta ia bikoiztu egin ditu duela astebeteko emaitzak –22.643–. Aldiz, Batasun Nazionaleko hautagaiak aurreko astean baino milaka boz batzuk gehiago jaso baditu ere –ordukoan 19.308 boto eta orain 24.221–, orotara bozen %37,36 erdietsi du; hau da, ezkerrak ia hogeita bost puntuko aldea atera dio eskuin muturrari.

Parte hartzea, barruti honetan, lehen astekoaren oso antzekoa izan da, oso altua beraz, deituta zeuden herritarren %70,72 joan dira hautestontzietara.

6. hautesbarrutia: Dufau, abertzale bat Parisen

Lapurdiren zati handiena hartzen du seigarren barrutiak: kostaldea batik bat, Hendaiatik Biarritzera. Lehia estua aurreikusten zen lehen itzulitik, bereziki macronista eta abertzaleen artean, eta atzeraxeagotik bazen ere zeharka begiratzen zuen ultraeskuinak. Lehen itzulian, 1.800 boto eskasengatik irabazi zion Christian Devèze macronistak Peio Dufau abertzaleari, baina bigarren itzulian irauli da norgehiagoka: 1.700 boz, Dufauren alde. Beraz, bosgarren errepublikan estreinakoz, legebiltzarkide abertzale eta euskalduna izango da Parisen. Atzeraxeago, Fronte Herritar Berriak baino 6.000 boto gutxiagorekin geratu da Batasun Nazionala.

Macronistek segitu dute indartsu Donibane Lohizunetik Biarritzera, kostaldean, salbu eta Bidarten. Zonalde horretatik irtenda, nabarmentzekoa da hiru udalerritan soilik gailendu dela Dufau ez beste norbait; kasuon, ultraeskuina: Ainhoan –bost boto eskaseko aldeaz–, Jatsun eta Haltsun.

Udalerrika: 160tik 142tan, ezkerra

Argigarria da mapak erakusten duen ezkerraren nagusitasuna Ipar Euskal Herrian. Frantziako Estatuari begiratuta, gurean are argiago gailendu da ezkerra. Zifretara ekarrita: Lapurdin, 41 udalerritatik 30etan gailendu da Fronte Herritar Berria; Nafarroa-Beherean 75etik 68tan; eta Zuberoan guzti-guztietan, 44tik 44tan.

Indar politikoen arabera, hauxe emaitza: 160tik 142 udalerritan lehen indarra izan da Fronte Herritar Berria, zazpina lekutan Ensemble eta Batasun Nazionala eta lau udalerritan Résistons! alderdia.

Bista-bistako aldaketa batzuk izan dira lehen itzulitik bigarrengora. Esaterako, bosgarren hautesbarrutian, Hiriburutik ekialderako guzian, Batasun Nazionala gailendu zen lehen itzulian –Beskoitzen, Milafrangan, Bardozen edota Bidaxunen–. Aldiz, joan den igandeko emaitzetan, soilik Gixunen irabazi zuen ultraeskuinak, apenas bost botori esker.

Oro har, ez bada izan Fronte Herritar Berriaren mesedetan, ez da udalerririk egon kolorez aldatu dena; macronistek eta Batasun Nazionalekoek babesa galdu dute eta ez dira lehen itzulian gailendu ez ziren inon nagusitu, eta udalerriak galdu dituzte.


Kanal honetatik interesatuko zaizu: Frantziako Legebiltzarrerako hauteskundeak 2024
“Anti-euskaldun bat hautagai jarrita ezin daitekeela irabazi esplikatu zaie Pariseko buruei”

Ipar Euskal Herriak dituen militante nekaezin horietarikoa dugu Peio Dufau: ofizioz tren gidaria, CGT sindikatuan buru belarri inplikaturikoa, Bake Bidean dinamikan engaiatua eta alabari Wolfram sindromea izeneko eritasun arraroa atzeman ziotenaz geroztik izen bereko elkartean... [+]


2024-07-24 | Itxaro Borda
Estres test

Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]


Desesperazioz RN bozkatu dutenak konbentzitzean datza ezkerraren erronka nagusia

Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]


Ostegun honetan aukeratuko dute Frantziako Legebiltzarrerako presidentea

Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]


2024-07-18 | Pauline Guelle
Analisia
Hesi istorio

Nork aurreikusten ahal zuen 2024an Peio Dufau –Marie Heguy-Urain duelarik ordezko–  EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


Fronte Herritar Berria garaile atera da, eta hirugarren kokatu da eskuin muturra

20:00etan atera dira lehen datuak, harridura orokorra eraginez: zundaketa guziek lehen kokatzen zuten eskuin muturreko RN hirugarren atera da eta ezkerreko FHB Fronte Herritar Berria garaile. Gehiengoan edota gehiengo osoan ikusten zen RN Batasun Nazionalarentzat zaplaztekoa... [+]


“Itxaropen haizea dakar Fronte Herritar Berriaren dinamikak”

Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.


Eskuinarekin osatu nahi du gehiengoa Macronek, ezkerraren garaipenaren gainetik pasaz

Ezkerrekoa beharko lukete Frantziako Lehen ministroak eta bere gobernuak, jakinik Fronte Herritar Berria garaile atera dela Frantziako Legebiltzarrerako hauteskundeetan. Baina, ezkerraren garaipenaren gainetik pasaz, bestelako gehiengo bat osatu nahian dabil Emmanuel Macron... [+]


Macronen hurbilekoek eta RNko buruek bilera sekretuak egin dituzte azken hilabeteetan

Libération egunkariak eramandako ikerketaren emaitza da: gutienez abendutik elkartu dira eskuin muturreko RNeko Jordan Bardella eta Marine Le Pen Emmanuel Macron presidentearen hurbilekoekin. Macronen kontseilari hurbila den Thierry Soleren etxean egin dituzte ezkutuko... [+]


Materialismo histerikoa
Eutsi beldurrei

Zutabe hau idazteari uko egin behar nioke, baina berandu da. Hauteskundeak izan dira Frantzian. Non dago Frantzia? Bai, hemen goian, iparraldean; baina, munduan, ez dakit oraintxe non dagoen Frantzia, noren zer den. Eta ez dakit noiztik begiratzen diodan ia soilik... [+]


2024-07-09 | Euskal Irratiak
Peio Dufau, Fronte Herritar Berria
“Orain badakigu gutaz anitz espero dela, badugu lan anitz egiteko”

Frente Herritarrak irabazi ditu hauteskunde legegileak Pirinio Atlantikoetako seigarren hautesbarrutian, Peio Dufau izanen delarik diputatu heldu diren urteetan. Bozen %36,28 bildurik, 27 117 bozekin, historiako lehen diputatu ezkertiar abertzalea izanen da. Haren gibeletik,... [+]


Iñaki Echaniz, laugarren barrutiko irabazlea
“Itxaropen haizea dakar Fronte Herritar Berriaren dinamikak”

Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.


Eguneraketa berriak daude