Trans Legeari buruz jakin beharrekoak
Trans Pertsonen Berdintasun Erreal eta Eraginkorrerako legearen zirriborroa aurkeztu du Espainiako Gobernuak. Sexu aldaketa egiteko gaur egun dauden baldintzak ezabatzen ditu eta pertsonaren “berariazko adierazpena” soilik izango da beharrezko. Feminismoaren baitan kokatzen da lege zirriborroak eragindako debatea, hona zenbait gako eztabaida ulertzeko:
Trans Legearen zirriborroa
Neurri berriak esparru ezberdinetan proposatu dituzte, osasunean, hezkuntzan, kirolean eta espetxean ere, pasa den astean azaldu genituenak. Momentu honetan indarrean dagoen legeak genero disforia “diagnostikatzea” eta gutxienez bi urteko hormonazio tratamendu bat jarraitzea ditu baldintza moduan sexuz aldatu ahal izateko, baina Lege zirriborro berriaren helburua transexualitatea despatologizatzea da.
Adin- txikikoen kasuan?
Adin txikikoak ere proposamenaren parte dira, 12-16 urte bitarteko umeak gurasoen edo tutorearen baimena beharko dute sexuz aldatzeko. Guraso eta seme-alaben artean desadostasunak egonez gero, defendatzaile judizial bat ezarriko da. Adin-gabeen hormonazioan, nerabezaro hasieran hormona blokeatzaileak eta tratamendu gurutzatua proposatuko dira. Adin-gabeen kasuan ere, bi urtez hormonatu beharra ezabatuko luke legeak.
Kontrako iritziak
Feminismoaren sektore jakin baten ustez, Confluencia Feminista edota Alianza contra el Borrado de las Mujeres taldeak adibide, genero autodeterminazioak emakumeen eskubideak “arriskuan” jartzen ditu. Adibide moduan, erasotzaileek espetxeetan emakumeen moduluetan sartzeko aukera izango dutela eta Genero Indarkeriaren Legea saihestuko dutela diote. Trans Legearen zirriborroak aldiz, bere artikuluetan, honako hau adierazten du: "Legezko sexua aldatzeak ez du aldatuko pertsonaren eskubide eta betebehar juridikoen titulartasuna aldaketaren aurretik". Eta, bereziki, Genero Indarkeriari buruzko Legean "ezarritakoaren ondorioetarako".
Aldeko iritziak
Feminismoaren beste sektore bat eta LGTBI+ kolektiboa aldiz, zirriborroaren alde daude, trans pertsonen eskubideak errespetatu behar direla azpimarratzen dute. Trans kolektiboak urteak daramatza autodeterminazio eskubidea eskatzen eta adierazi dute haien identitatea errespetatzea baino ez dutela aldarrikatzen. “Emakume transak ez gara emakume sentitzen garen gizonak, emakumeak gara emakume gisa ulertzeko gaitasuna dugunetik”, adierazi du Lesbiana, Gay, Trans eta Bisexualen Espainiako Estatuko Federazioak.
Europako Batzordeak beste urrats bat eman nahi du migrazioaren kontrako politikak gogortzeko bidean: deportaturiko migratzaileek ez lukete zertan harreman zuzenik izan behar hirugarren herrialde "seguruak" deiturikoekin, hara kanporatuak izateko.
Apirilaren 17an, Brasilgo Eldorado do Carajás-en egin zuten lurrik gabeko 21 langileen sarraskiaren 29. urteurrena izan da. Ordutik, La Vía Campesinak data oroitzen du Nekazarien Borrokaren Nazioarteko Egun gisa, lurrerako eskubidea defendatzeagatik koldarkeriaz erail... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
Saudi Arabiak "emakumeen eta LGBTQ+ pertsonen eskubideak zapaltzen dituela-eta", 24 herrialdetako 106 emakumezko futbolari profesionalek Gianni Infantino FIFAko presidenteari eskatu diote Aramco petrolio-enpresarekin duten babesletza-akordioa hausteko.