Goizeko 8:30ean atera da Kordobako kartzelatik.

2007ko abenduaren 1ean atxilotu zuen poliziak, Espainiako Auzitegi Nazionalak 18/98 makrosumarioko akusatuen aurkako epaia jakinarazi baino lehen –urte horretako abenduaren 19an egin zen publiko–.

Egineko langile gehiago kondenatu zituzten sumario horren barruan, haien artean Jabier Salutregi zuzendaria, eta Administrazio Kontseiluko kideak: Isidro eta Patxo Murga, Manu Trenor, Xabier Alegria, Pablo Gorostiaga, Jose Luis Elkoro, Manuel Intxauspe, Jexuxmari eta Iñaki Zalakain, eta Xabi Otero.

Teresa Todari elkarrizketa ARGIAn:

1998an Pello Zubiriak eta Xabier Lekuonak egindako elkarrizketa plazaratu zuen ARGIAk. Garai horretan Egineko Madrileko korrespontsala zen Toda, eta Catalunyako Cánigo aldizkarian, MCEko egunkarian, Punto y Hora... eta hainbat aldizkariren kolaboratzaile. Jose Luis Moralesekin batera La trama de los GAL liburua argitaratu berri zuen. Joxi Zabala eta Joxean Lasaren desagerketaren 5. urteurrena zela-eta Tolosara hurbildu zitzaien ARGIAko kazetariei, GALen inguruko hari ilunak argitu asmoz.