Talka gune feministaren desalojoko atxilotuak aske; ondorio errepresiboak zehaztear
Ostiral iluntzean atxilotuak izan ostean, larunbata goizeko 02:00tan askatu zituzten bi feministak. Mozal Legeaz gai delitu penala egozten zaien ez dago argi. Horrez gain, beste 12 pertsona behintzat identifikatu zituen poliziak, Talkak jakinarazi duenez.
Talka gune okupatu feminista ostiralean itxi zuen Ertzaintzak, eta momentuz horrela dirau. Desalojoaren aurkako protestetan Ertzaintza feministen aurka oldartu zen, besteak beste bi emakume atxilotuz eta behintzat 12 pertsona identifikatuz.
Atxilotuak larunbat goizaldean geratu ziren aske. ARGIAk haietako batekin hitz egin du. Ez dute argi zer den egozten zaiena. Hasiera batean, polizia etxean, bide penaletik desobedientzia larria egotzi zietela jakinarazi zieten, eta goizean epaile aurrean deklaratuko zutela. Ondoren isun administratibo baten ziurtagiria eman zieten, mozal legearen bitartez “konfinamendu garaian baimendu gabeko mobilizazio bat” egiteagatik. Poliziak adierazi zien hala ere bide penalak jarraitu egingo zuela, baina azkenean epaitegian deklaratu aurretik eta egozten zaien ustezko delituaren ziurtagiririk gabe askatu zituzten. Atxilotuen abokatua informazioa biltzen ari da.
Itxaron egin beharko da jakiteko bai bi atxilotuen aurkako isunaren zenbatekoa, bai identifikatutako gainontzeko pertsonei isunak bidaltzen dizkien Ertzaintzak.
Kazetarien lana oztopatua
Talkak identifikatutako hamabi pertsonen artean bi kazetariak direla adierazi du. Hala Bedi-k jakinarazi zuen ostiralean bertan Ertzaintzak bere kazetari bati telefonoa kendu ziola identifikatu bitartean.
🔴🔴Atxilotutako bi kideak goizeko ordubietan aske geratu dira, desobedientzia larriaren akusaziopean. 12 identifikazioren berri izan dugu, horien artean bi kazetari.
Errepresioari auzo defentsa feministaren bitartez aurre egingo diogu!#AdolfoYUrtaranTalkaseraVuestroVietnam pic.twitter.com/5EwwQx1jSf
— Talka (@TalkaGasteiz) May 9, 2020
⬇️ Hala Bediko kazetari bati telefonoa kendu dio Ertzaintzak, identifikatzen ari dira pic.twitter.com/fri8918gdu
— Hala Bedi (@halabedi) May 8, 2020
Normaltasun berria Gasteizko Alde Zaharrean: Jende gutxi eta polizia asko kalean.
— Zigor Oleaga (@zoleaga1) May 8, 2020
Herritarrak identifikatzen dituzte oraindik tarteka. Bideoan identifikazio bat. Grabatzen gaudela ikustean aldentzeko esan digute, ez dugunez egin leku ezkutu batera eraman ditu emakumeak poliziak. pic.twitter.com/dbKF6YqCpY
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]