Adin txikikoek egindako delituengatik heriotza zigorrik egongo ez dela adierazi du Saudi Arabiako Giza Eskubideen Komisioko presidente Awwad Alawwadek. Horren ordez, gehienez jota hamar urtez egon beharko dute adin txikikoen zentroetan.
Arabia Saudi munduko herrialde hertsienetako bezala definitu izan dute askok. Mohammed bin Salman printzea da de facto agintaria, eta islamaren interpretazio Wahhabista zorrotzaren arabera agintzen du. Giza eskubideen defendatzaileen kritika andana jaso du, herrialdeak ezartzen dituen zigorrek giza eskubideak urratzen dituztela salatuz.
Izan ere, 2019an 187 pertsona exekutatu zituzten gutxienez; zifra altuena 1995etik. Aurten ere, urtarriletik hamabi lagun exekutatu dituzte. Adin txikikoen exekuzioak debekatzeko erabakia kasu entzutetsu baten ostean hartu dute; arabiar udaberrian parte hartzea leporatzen dieten sei gazte exekutatu behar zituzten, altxamendua gertatutakoan adin txikikoak zirenak.
Zigor kode modernoagoa ezarri nahian
Saudi Arabiako zigor kodea polemikoa da nazioarteko ikuspegitik. Exekuzioak soilik ez, azotearekin kolpeak ere onartzen zituen orain arte zigor kodeak. Orain, zigor kodea “modernoagoa” egiteko asmoz, adin txikikoen exekuzioez gain azotearekin emandako kolpeak ere debekatu dituzte.
Azotea delitu ugariren zigor bezala erabili izan dute herrialdean; islamaren aurkako adierazpenak egitea, bikotekidea ez den norbaitekin harreman sexualak izatea, lapurretan egitea, etab. Raif Badawi blogariaren kasua entzutetsua izan zen; 2014an islamari iseka egiteagatik 1.000 azote kolpe hartzera kondenatu zuten, hamar urteko kartzela zigorrarekin batera.
Urteetan giza eskubideen aldeko ekintzaileen kritikak jaso ditu, ez bakarrik zigorra beragatik, baita epaiketaren sinesgarritasunagatik ere. Izan ere, islamaren arabera egindako irakurketetan oinarritzen dira epaiak.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]