Portugaleteko Sastraka Gaztetxeko bederatzi kide epaituko dituzte
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Arriskuan dago Portugaleteko (Bizkaia) Sastraka Gaztetxea ere. Bertako bederatzi kide epaituko dituzte azaroaren 5ean, Barakaldoko (Bizkaia) epaitegietan. Azaroaren 1erako, ostiral honetarako, manifestazio batera deitu du Gaztetxeak.
2020an okupatu zuten urte luzez abandonaturik egondako eraikin bat, Karmengo Ama ikastetxea izandakoa, Gaztetxe bilakatzeko. Handik gutxira eraso zion norbaitek espazioari, su emanda: gasolina bidoiak aurkitu zituzten espazioan zehar, sakabanaturik. Geroztik, eraikina eraberritzen ibili dira Portugaleteko hainbat eta hainbat pertsona.
Espazioa birjabetu zutenetik lau urte igaro dira, eta Sastraka Gaztetxeari "epaitegiaren itzala" heldu zaio jadanik, adierazpen baten bidez azaldu dutenez. Okupazio-mugimendua "kriminalizatu eta zigortu" nahi dutela seinalatu dute, "galbidera eta abandonora bideratu nahi zuten eraikin bat lau urtez haien eskuetatik askatu eta bizi berri bat eman diogulako", azpimarratu dutenez.
"Kapitalismoaren logikatik kanpoko eskaintza politiko eta kulturala" sortu dute Sastrakan, eta "milaka asanblada, lan-egun eta beste hainbeste izerdi-tantaren artean kontrabotererako espazio bat" izan da, bertako kideen hitzetan. Kontzertuak, azokak, mendi-irteerak, baratze bat eta beste zenbait proiektu jarri dituzte martxan.
Gaztetxea orain arriskuan egon arren, "ez da ezer amaitu". Hala, epaiketa salatzeko mobilizatuko dira aste honetan: "Ez da gazte horien kontrakoa bakarrik, mundu-ikuskera eta borroka kolektibo bati egiten zaion epaiketa da".
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.
2022 urtean bota zuten Durangoko (Bizkaia) gaztetxea. Autogestionatutako eremu hori galduta, ordutik gazteen antolakuntzarako beste espazio baten bila aritu dira. Gaztetxearen beharra azpimarratuko dute ekainaren 16an egingo dituzten ekitaldietan.