Sànchezen hautagaitza ezbaian, inbestidura saiorako sei egunen faltan

  • Kataluniako Parlamentuko presidente Roger Torrentek martxoaren12an ezarri du Jordi Sànchez presidentetzarako hautagaiaren inbestidura saioa. Alabaina, saiorako sei egun falta direnean, Kataluniako Gobernuaren osaketa ezbaian dago oraindik.

Jordi Sànchezen (eskuinean) inbestidura kolokan dago (argazkia: Robert Bonet / Eldiario.es, CC-by-sa).

2018ko martxoaren 07an - 11:13

CUPek Jordi Sànchez Kataluniako Presidente izateari abstentzioa eman zion igandean, eta Espainiako Auzitegi Gorenak ezbaian jarri du hautagaitzaren bideragarritasuna. ANCko presidente ohiak lau hilabete eta erdi daramatza kartzelan sedizioa egotzita, eta asteartean Gorenari eskatu dio aske utz dezatela Generalitatearen buru izan ahal izateko.

Alabaina, Kataluniako prozesua ikertzen duen Pablo Llarena epaileak ez dio askatasuna eman nahi, eta Sànchez ezingo litzateke inbestidura saiora agertu. JxCat-ek abisatu du, Gorenak horrela jokatuz gero, Llarenaren aurkako kereila kriminala aurkeztuko duela.

Llarenak Sànchez inbestidura saiora agertzea eragotziko balu, “gertakari oso larria” eta “guztiz ezegokia” izango litzatekeela, esan du Eduard Pujol JxCat-eko diputatuak, eta Kataluniako biztanleen nahia traizionatuko lukeela. Bestalde, aipatu du epaileak “justuak” izan behar direla eta ezin dutela erabaki herrialdeen etorkizun politikoa “inbestidurak blokeatuz”.

JxCat, ERC eta CUP Katalunian talaia politiko ezegonkorraren aurrean erabaki bat hartzeko bilduko dira, baina CUPekoek “oso zaila” ikusten dute astelehena baino lehen akordio bat lortzea. Izan ere, esan dute Sànchezen hautagaitzari emandako abstentzioa mantenduko dutela harik eta “ibilbide egiaz errepublikar” bat aurkeztuko duten arte.

Era berean, CUPeko diputatu Maria Sirvent-ek esan du Batzar Politiko bat deituko luketela JxCat-ek eta ERCk “Errepublika egiteko” proposamena egingo balute.


Kanal honetatik interesatuko zaizu: Katalunia independentziarantz
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


“Ez dugu auzi justurik edukiko; gidoi hau lehendik idatzita zegoen”

Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]


Auziagatik, erbestean
AURRERAPENA | “Amnistia Legea finkatzen joan ahala, are gehiago indartu dute terrorismoaren akusazioa”

Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.

Aurrerapena da ondorengo... [+]


2024-05-30 | ARGIA
Amnistia Legea aurrera atera da Espainiako Kongresuan

Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.


Eguneraketa berriak daude