Emakumeak borrokan

Saltzen ez diren produktuak deuseztatzea debekatu nahi du Frantziako Gobernuak

  • Elikadurarekin egiten den moduan (neurriak hartu baitira saltzen ez diren jakiak zakarrontzira bota ez daitezen), arropa, etxetresna elektriko, garbiketarako produktu eta abarrekin berdin jokatuko dutela iragarri du Frantziako Gobernuak: produktuok deuseztatzea debekatuko du, dohaintzan eman daitezen edo berrerabili daitezen.

ARGIA @argia
2019ko ekainaren 05a

Ekonomia zirkularrari buruzko lege proiektuan dago neurria; uztailean iritsiko da ministroen kontseilura eta 2021 eta 2023 artean aplikatzea da helburua.

Saltzen ez diren produktuak deuseztatuz, urtero 650 milioi euro xahutzen dira Frantziako Estatuan, Edouard Philippe lehen ministroak adierazi duenez. “Xahutze lotsagarria”, gaineratu du.

Ingurumenarekiko kezkak indarra hartu du (Extinction Rebellion mugimendua da horren isla) eta alderdi ekologistek emaitza onak lortu dituzte Europar Batasuneko parlamenturako hauteskundeetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ingurumena  |  Ekonomia

Ingurumena kanaletik interesatuko zaizu...
Azkenak
EGILEA
Eguneraketa berriak daude