Bi eguneko barauarekin Quim Torra presidenteak bat egin du preso gose grebalariekin

  • Quim Torra Generalitateko presidenteak 48 orduko baraualdia hasi du igandean Kataluniako lau buruzagi independentisten gose grebarekin elkartasuna adierazteko, Kataluniako Generalitateak iragarri duenez.

Iņigo Igartua @igartua19
2018ko abenduaren 10a
Quim Torra Kataluniako presidentea.

Jordi Sànchez, Jordi Turull, Josep Rull eta Joaquim Forn buruzagi independentistek hasi zuten gose greba Quim Torrak ere babestuko du datozen 48 orduetan. Baraualdia, Espainiako Auzitegi Konstituzionalak Kataluniako preso politikoen auzia Estrasburgora iritsi ez dadin jarritako "oztopoak" salatzeko egin dute.

Ljubljanako (Eslovenia) bisitan egindako adierazpenetan Torrak azaldu du, keinuak gose-greba hasi duten Kataluniako buruzagien "adorearen mirespen eta errespetu froga" izan nahi duela.

Halaber, iragarri du Kataluniako Gobernuaren adierazpen bat bidaliko dietela, "Europako estatuetako eta Europako eta AEBetako lehen ministro guztiei" gose grebaren inguruan. "Mundu osora heldu behar gara", adierazi du Torrak, eta ANCren 'Prou Ostatges!' Plataformak bultzatutako barau-ekintzekin bat egingo du.

Abenduaren 10ean 21:00etan kazerolada jendetsua antolatu dute aldarrikapenekin jarraitu eta Kataluniako preso politikoak askatzea eskatzeko.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
Eguneraketa berriak daude