Puigdemont Kataluniara itzultzeko aukera indarra hartzen ari da

  • Asteartean 15:00etan hasiko Kataluniako presidentea aukeratzeko saioa Parlamentuan. Oraindik ordea, Carles Puigdemontek zer egingo duen ez dago argi, Auzitegi Konstituzionalak asteburuan hartutako erabakiak, zaildu egin baitu bere inbestidura.

Andoni Mikelarena @andonimik
2018ko urtarrilaren 29a
Arg: ACN

24 ordu inguru falta dira Kataluniako Parlamentuan presidentearen inbestidura saioa hasi dadin eta oraindik ez dago ezer argi. Espainiako Gobernuak, Carles Puigdemont JxCATeko zerrendaburua inbestitzeko saioaren aurkako ekinbide judiziala ireki zuen aurreko astean, Auzitegi Konstituzionalari Puigdemonten hautagaitza bertan behera utzi zezan eskatuz.

Konstituzionalak ordea, erdi bideko erabakia hartu du. Puigdemont hautagai izan daiteke, baldin eta, inbestiduraren momentuan parlamentuan fisikoki badago eta horretarako Llarena epailearen baimena baldin badu. Asteburuan indarra hartu badu ere Kataluniako presidente legitimoak Auzitegi Goreneko Pablo Llarena epaileari saioan egoteko baimena eskatzearen aukerak, Puigdemonten abokatuak adierazi du aukera hori ia albo batera utzia dutela.

Junts Per Catalunyak Puigdemonten aukera du bakarrik mahai gainean, hala adierazi dute asteburuan zehar egindako adierazpenetan. Presidente izatea ukatuko baliote, auzia Europara eramango du zerrenda independentistak. ERCren baitan ordea, entzun dira bestelako ahotsak.

Joan Tardà Espainiako Kongresuan ERCren bozeramaileak, La Vanguardia egunkariari eskainitako elkarrizketan adierazi zuen “Puigdemont sakrifikatu behar bada sakrifikatu egingo dutela”. Adierazpen horiek hautsak harrotu dituzte eta ERCren bozeramaileak prentsaurrean argitu du Puigdemont dela mahai gainean duten aukera bakarra.

CUPek berriz ez du Puigdemont ez den beste hautagairik onartuko. “Espainiako Estatuak ezin du erabaki nor izan daitekeen Kataluniako Presidente eta nor ez”, adierazi zuen Carles Riera alderdi antikapitalistaren zerrendaburuak. Puigdemont izendatzeko ez bada CUPek ez du inbestidura saioan parte hartuko.

Diputatu aktari uko

Igande gauean eman zuten albistea erbestean daude lau kontseilarietatik bik eta goizean eman du hirugarrenak. Kataluniako parlamentari aktari uko egin diote Lluís Puig i Gordi eta Clara Ponsati JxCATeko diputatuek eta Meritxell Serret ERCko diputatuak. Parlamentuan gehiengo independentista mantentzeko hartutako erabakia dela adierazi dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2018-08-10 | ARGIA
Preso eta iheslarien egoera turistei ikustarazteko hiru autobus prestatu ditu Omnium elkarteak

"Freedom for all Catalan political prisoners and exiles" leloa daramaten hiru autobus prestatu dituzte Katalunian, herrialdea bisitatzera joaten diren milioika turisten arreta deitu eta Espainiako Estatuaren errepresioa salatu asmoz. Òmnium elkartearen kanpaina da eta beren webgunean azaldu dituzte zergatiak.


2018-08-08 | Nahia Ibarzabal
Traktoreen mobilizazioa preso politikoen askatasuna aldarrikatzeko Camp de Tarragonan

Errepublikaren aldeko nekazarien kolektiboak, mobilizazioa deitu du preso politikoei babesa erakutsiz, haien askatasuna eskatzeko.


2018-07-27 | ARGIA
Oihu olatu bat U1eko agindua betearazteko: horrela izango da aurtengo Diada Katalunian

2018ko Diadan egingo duten manifestazio handiko xehetasunak publiko egin ditu ANCk. Aurten egun nazionala ezohiko testuinguruan helduko da: independentzia aldarrikatu zuten iaz eta preso eta errefuxiatu politikoak dauzka mugimendu independentistak. Horri erantzuteko, antolatzaileek erronka handia bota dute: Bartzelonako Diagonal etorbidea betetzea "Fem la República Catalana" (Egin dezagun Kataluniako Errepublika) lelopean.


2018-07-27 | ARGIA
Kataluniako independentzia prozesuko preso politikoei baldintzapeko askatasuna ukatu die Gorenak

Espainiako Auzitegi Gorenak Oriol Junqueras, Carme Forcadell, Jordi Cuixart, Jordi Sánchez, Jordi Turull, Josep Rull, Raul Romeva, Joaquín Forn eta Dolors Bassa presoei baldintzapeko askatasuna ukatu die. Ez dute arrazoi berririk ikusi Pablo Llarena epaileak agindutako espetxeratzea berrikusteko.


2018-07-27 | Ivan Miró
Burujabetza ekonomikorik gabe ez dago burujabetza politikorik

Apirilaren 14an egin zen Bartzelonan lehen Ekonomia Errepublikarreko Laborategia, Altxa Dezagun Errepublika prozesuaren baitan. La Lleialtat Santsenca kooperatiba obrero zaharrean, ehundik gora aktibista elkartu ziren, errepublika gauzatzeko 155 neurri ekonomiko proposatzeko.


Puigdemont eta gobernukideen aurkako euroagindua atzera bota du Llarena epaileak

Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.


2018-07-12 | ARGIA
Alemaniak Puigdemont estraditzea onartu du, diru erabilera okerragatik soilik

Schleswig-Holstein landeko Lurralde Auzitegiak erabaki du legezkoa dela Kataluniako lehendakari ohi Carles Puigdemont estraditzea, ez matxinada akusaziopean epaitu dezaten baina soilik diru publikoen erabilera okerragatik. Azken erabakiaren zain, epaileek ez diote kautelazko neurri berririk ezarri eta oraingoz aske jarraitzen du Alemanian.


2018-07-02 | ARGIA
Preso politiko katalanak Kataluniako espetxeetara eramango dituzte

Kataluniako espetxeen eskumena daukan Generalitateak gaur jaso du Madrilgo Barne ministroaren komunikazioa: asteartean eramango dizkiete independentzia prozesua geldiarazteko Espainiak preso hartutako politikariak. Hedabideek zabaldu dutenez, Generalitatea beren senideekin bildu da presoak zehazki zein espetxetan kokatu familiekin batean erabakitzeko.


Independentzia 2029an, matematikoki

Figueres (Girona), 1947ko urtarrilaren 22a. Alexandre Deulofeu (1903-1978) farmazialari eta matematikaria Frantziako erbestealditik itzuli zen. 1936ko Gerran Figuereseko alkate errepublikarra izaki, 1939ko otsailean ihes egin zuen. Itzultzean, berriro ere botikan hasi zen lanean, baina ez zuen baztertu gaztetatik zeukan beste grina, historia matematikaren bidez aztertzea.


Generalitateko kontselaritza bat okupatu dute CDRek Kataluniako Gobernuak U1eko erreferendumean onartutakoa bete dezan

Espainiako Estatuaren aginduak ez betetzeko eta errepublika aldarrikatzeko eskatu diote Generalitateari.


Azkenak
EGILEA
Eguneraketa berriak daude