Publizitate instituzionalaren erabilera Gipuzkoako Aldundian

• Aste honetako ARGIAn azala eta erreportaje nagusia eskaini diogu publizitate instituzionalen eta babesletzen bidez, diru gehien jasotzen duten hedabideak zein diren ikertzera. Asteazkenean webgunean irakurgai jarriko dugu erreportajea, hainbat grafikaz hornituta. Bitartean, aperitibo gisa: diru gehien El Diario Vasco’ egunkariari eman zion iaz ere Aldundiak, 399.075 euro (%27 bueltan); eta konparaziorako, ARGIAri 4.293, ia ehun aldiz gutxiago (%0,2). Herritarren ezagutzatik urrun, diru publikotik ehunka milaka euro mugitzen dituen sistema opakua dago atzean.