PSOEren “desalojo azkarren” kontra, abenduaren 10ean kalera ateratzera deitu du Errakik
Okupazioaren kontrako azken lege proposamenak 48 orduan espazio bat hustea ahalbidetuko luke, epaiketarik gabe. Neurria salatzeko eta Langile Kontrolpeko Espazioen beharra aldarrikatzeko mobilizazioak antolatu ditu Errakik abenduaren 10erako; Gasteizen eta Iruñean izango dira manifestazioak.
Erraki Langile Kontrolpeko Espazioen Babes Sareak mobilizazio deialdiak egin ditu abenduaren 10erako, PSOEren desalojo azkarra gelditu. Langile Kontrolpeko Espazioak aurrera aldarri modura hartuta. Gasteizen (Araba) eta Iruñean (Nafarroa) egingo dituzte manifestazioak, 18:00etan; Andre Mari Zuriaren plazatik abiatuko da Gasteizko mobilizazioa, eta Sarasate pasealekutik Iruñekoa.
Errakiren esanetan, "indarra hartu dute okupazioaren kontrako lege proposamenek", eta PSOEk mahaira atera duen azkeneko neurria "horren erakusle nagusia" dela seinalatu du. Huste azkarrak errazten ditu lege berriak, okupatutako espazio bat 48 orduan eta aurretiazko epaiketarik gabe hustea baimentzen baitu. "Banketxeek, putre funtsek eta jabe handiek ere bide azkarra erabili ahal izatea" sustatuko du horrek, "orain arte ez bezala", Errakik ohartarazi duenez.
"Azken urteotan okupazioaren aurka hartutako neurri larrienaren aurrean gaude", azaldu du: "PSOE eta bere euskarri diren alderdiak jabetza pribatua babesten ari dira guztiaren gainetik. Komenigarriagoa da haientzat espazioak hutsik mantentzea eta espekulaziora bideratzea, proletalgoak zuzenean kontrolatu eta bere beharren arabera erabiltzea baino". Horrek guztiak proletalgoa "egoera larriagora kondenatzen" duela uste du Errakik, "batetik, etxebizitza eskubidea urratzen duelako" eta, "bestetik, Gaztetxeak, Zentro Sozialistak eta Zentro Sozialak irekitzea ia ezinezko bihurtzen duelako".
Aterabide polizial eta penala
"Krisi ekonomikoaren ondorioz pobrezia areagotzen" ari dela gogorarazi du Errakik eta "gero eta gehiago" direla "bizi baliabideetara sarbiderik ez dutenak". "Alderdi politiko profesionalen kontakizunaren arabera, ordea, badirudi arazoa ez dela pobrezia bera, baizik eta pobrearen jokaera; lehentasuna ez dela miseria sozialarekin bukatzea, baizik eta ordena publikoa eta hiritarren segurtasuna bermatzea", seinalatu du. Modu horretan "arazo sozialei aterabide polizial eta penala" ematen ari direla salatu du Errakik, eta "miseria eragiten duten egiturazko arrazoiei erreparatu" ordez, "pobrezia kriminalizatzen eta zigortzen" ari direla.
Lapurreta txikiak gogorrago zigortzeko Espainiako Estatuan ireki dituzten ate legalak horren adibide modura aipatu ditu Langile Kontrolpeko Espazioen Babes Sareak, baita erreformatutako Zigor Kodeak barne hartuko dituen neurri berriak ere; esaterako, desordena publikoekin lotutako delituak edota etxebizitza eskubidearen aldeko mugimenduen ohiko borroka-formak are gehiago zigortzeko neurriak. "PSOEren desalojo azkarra ere norabide horretan kokatzen dugu; proletalgoaren eskubide sozial eta politikoak ezabatzeko pauso bat gehiago da", gaineratu du Errakik.
"Garai zailak datoz Langile Kontrolpeko Espazioentzat, baina ez da geldirik egoteko garaia", aldarrikatu du: "Okupazioaren kontrako ofentsibari aurre egin beharrean gaude, bidean batzen goazen indar guztia Estatu Sozialistaren eraikuntzarekin uztartzearekin batera. Hori baita bizi baliabideen sozializazioa gauzatzeko azken bermea, jabetza pribatuaren behin betiko amaiera ekarriko duena".
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]