PPk arbuiatu egin du Lluis Llach Gasteizko seme kuttun izendatzea
PPk azaldu duenez, Lluis Lachek ez du “inongo loturarik” hiriarekin. Kantautore katalanak Campanades a morts abestia sortu zuen, martxoaren 3ko biktimen oroimenez.
Lluis Llach musikari katalana Gasteizko seme kuttun izendatzearen aurka agertu da PP. Azaldu duenez, ez diote zentzurik ikusten hiriarekin loturarik ez duen norbait seme kuttun izendatzeari. Gainera, Llach politikan aktiboki aritzea –egun Junts Pel Síko diputatua da– ere izendapenari ezezkoa emateko arrazoi lez ikusten dute: “Ez dugu uste egokia denik Gasteiz sigla politiko batzuekin lotzea”.
Lluis Llachek Campanades a morts abestia sortu zuen 1976ko martxoaren 3ko gertakarietatik egun batera. Abesti horretan poliziak hildako langileei gorazarre egin zien. Seme kuttun izendatzeko proposamena hainbat arlotako pertsonek egin dute, herri ekimen bidez. Sinatzaileen artean daude, besteak beste, Katixa Agirre, Mikel Urdangarin, Iñaki Lasagabaster edota Joseba Azkarraga.
Hauek Gorka Urtarani gutun bidez azaldu diotenez, abesti harekin Lluis Llachek une hartan gasteiztar, arabar eta euskal herritarrek sentitzen zutena islatzen jakin zuen. Alkateak begi onez ikusi du proposamena, baita EH Bilduk ere, baina PP aurka agertu da. Honek azpimarratu duenez, izendapena martxoaren 3ko gertakariekin lotura izateak ez du zerikusirik proposamenari emandako ezezkoarekin.
Bideo honetan dituzue Iñaki Lasagabasterrek izendapenaren alde emandako argudioak:
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.