2014an, Espainiako Barne ministro Jorge Fernández Díazen agindupean, Espainiako Poliziako Zuzendari Operatiboa zen Eugenio Pino-k eta bere gabinete buru José Ängel Fuentes Gago-k Pegasus programa erosi zioten funts erreserbatuetako diruarekin Rayzone Taldeari: enpresa talde honek Tel Aviv-en du egoitza eta Israelgo NSO Taldearekin harremana du. Pegasus espioi programarekin egin zituen José Manuel Villarejo komisarioak "Katalunia Operazio"ko grabazioak.
Uztailaren 13an argitaratu dute The Guardian eta El País hedabideek, Kataluniako Parlamenteko presidente Roger Torrenten mugikorra Pegasus espioi programa batek erasotua izan zela dioen albistea. Anna Gabriel CUPeko diputatu ohiaren mugikorrak ere eraso hau jaso zuela jakinarazi du bere abokatu Olivier Peter-ek.
Público hedabidean uztailaren 15ean Carlos Enrique Bayo kazetariak erreportaje landua argitaratu du, dokumentu asko aurkeztuz. Hedabide honek jada 2017an argitaratu zuen informazioaren arabera, Espainiako Poliziako Zuzendari Operatiboa zen Eugenio Pinok eta bere gabinete buru zen José Ángel Fuentes Gagok ez zuten beren posta elektronikoa erabili lan lohi horretarako, Barne Aferetarako Unitateko funtzionario batena baizik. Horrela, "Lionel" goitizeneko funtzionario horren posta elektronikotik, Israelgo Rayzone Taldeak diseinatutako Sprinter eta InterApp programak erosi zituzten, gerora Pegasus deitu zaienak, helburu honekin: "Inteligentzia zerbitzuek eta zerbitzu polizialek esku-hartu ahal izan dezaten eta ahots deiak eta mezu idatziak grabatu ditzaten".
2017an Públicok argitaratu zuen posta elektronikoetako batean, programa eskuratzeko bidea adierazi zieten Israelgo teknikoei: "Materiala modu seguruan pasatzeko, Madrilgo aireportua erabili behar da eta gero materiala Bartzelonara eraman. Bartzelonako hotelerako, arazorik ez. Esan zenbat pertsona etorriko diren eta zenbat egunerako, eta zein datetan".
Garai haietan Carlos Salamanca zen Barajas aireportuko komisario-burua. Salamanca Villarejoren bazkide eta konplizea zen eta egun Tándem kasuan inputatuta dago, izan ere, berak kontrolatzen zituen aeroportu honetako segurtasun mekanismo guztiak eta delituak egiteko erabiltzen zituen, besteak beste, migranteen sarrera irregularra errazteko.
Posta elektroniko berean ulertzen da ordurako grabazioak egiteko sistema sekretu hauen erosketa itxita zegoela, zehazten baitu 2014ko irailaren 3,6 eta 15ean egingo direla ordainketak. Abuztuan zehar telefono bidezko espioi sistema horiek proban jarri zituzten Espainian, Público hedabideak argitaratu duen beste gutun batean ikus daitekeenez.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]