Pisu partekatuetako gelen eskaintzak eta alokairuak gora egin du Hego Euskal Herrian
Azken urtean alokairuan jarritako gelen eskaintza igo egin da Hego Euskal Herriko lau hiriburuetan, batez ere Donostian. Hiriburu garestiena izaten jarraitzen du Donostiak: hilean gela baten batez besteko prezioa 450 euro ingurukoa da; Bilbon 400 eurokoa eta Gasteizen eta Iruñean 350 eurokoa.
Idealistak egindako txostenean jaso eta EFE agentziak zabaldu duenez, pisu partekatuetako logelen eskaintza asko igo da azken hamabi hilabeteetan, gehienbat Donostian, %48 egin du gora; Iruñean %34 igo da; eta Bilbon %30. Gasteizen %1era mugatu da.
Prezioen inguruan, Donostiak jarraitzen du garestiena izaten, baina %2 jaitsi da, 450 euro inguruko batez bestekoarekin. Bilbon %8 igo da, 400 euroko batez bestekoarekin; Gasteizen %6, eta Iruñean %3, biak 350 euroko batez bestekoarekin.
Bilbon, Donostian eta Iruñean antzeko profila aurki dezakegu etxebizitza partekatzen dutenen artean, atari horren arabera: 32 edo 33 urte inguru duten pertsonak; Gasteizen, batez bestekoa 44 urtekoa da.
Espainiako Estatu mailan, etxebizitza partekatuen eskaintza %34 igo da azken urtean eta prezioa %3a igo da, hileko 350 euroraino. Partekatzen duten pertsonek iazko profil antzekoa dute, baina bataz besteko adina 34 urtera igo da.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.