Valentziara urrutiratu dute Arantza Zulueta lau hilabeteko zigorra betetzeko

  • Zaballako espetxetik (Iruña Oka, Araba) Picassenteko espetxera (Valentzia, Herrialde Katalanak) lekualdatu dute Zulueta. Sarek salatu egin du urruntzea, eta mobilizazioa deitu asteazkenean Bilbon.


2019ko azaroaren 12an - 10:31

Irailaren 30ean aurkeztu zen Arantza Zulueta Zaballako presondegian, Jon Enparantzarekin batera. 11/13 sumarioko epaiak jarritako bosna hilabeteko kartzela zigorra betetzen ari dira ordutik.

Enparantza urri amaieran urrundu zuten Madrilera, Estremera espetxera. Astelehenean jakin denez, Zulueta ere urrundu egin dute, Valentziako Picassent espetxera.

Sarek salatu du urruntzea, “espetxe politika krudel honen mendekuaren beste ondorio bat” dela adieraziz. Espainiako gobernuak “biderik ulertezinena” hartu duela iritzirik, “hainbeste sufrikario eragiten duen espetxe politika honi amaiera emateko” eskatu dute. Urruntzeak espetxeratuen familiei zigorra areagotu egiten diela azpimarratu dute, senideei bisita egiteko hainbeste kilometro egin beharrak beren biziak arriskuan jartzen dituela argudiatuz.

Espainiako gobernua “iraganeko politika” erabiltzen ari dela adierazi dute, eta mendekutzat jo. Horren aurrean, giza eskubideen defentsan mobilizazioa deitu dute asteazkenean Bilbon, 19:00etan Udaletxe aurrean.


Kanal honetatik interesatuko zaizu: Espetxe politika
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-11-06 | ARGIA
Espetxera itzularazi ditu Auzitegi Nazionalak Juan Carlos Subijana eta Joseba Borde euskal preso politikoak

Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]


2023-10-02 | ARGIA
Azpiegitura gabezia nabarmendu du Jaurlaritzak espetxe-kudeaketaren biurteko balantzean

Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]


2023-08-21 | Ilargi Manzanares
Sare Herritarrak Auzitegi Nazionalaren jarrera "oztopatzailea" salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


Eguneraketa berriak daude