ARGIA.eus

2020ko ekainaren 06a

Patxi Ruizek egarri greba utzi du

  • Patxi Ruiz presoa Murtzia II espetxeko erizaindegian daukate, berrogeialdian. Ostegun gauean Virgen de Arrixaca ospitalera eraman zuten; bi litro serum eman ostean Ruizek berak eskatu du ospitaletik ateratzeko.

ARGIA @argia
2020ko maiatzaren 23a
Patxi Ruizi elkartasuna adierazteko elkarretaratzea, Txantrean. Argazkia: Argia.

Presoak gose grebarekin jarraituko du, Amnistiaren Aldeko eta Errepresioaren Aurkako Mugimenduak jakinarazi duenez. Ruizek amaren bisita jaso ahal izan duela eta espetxean seruma jasotzeari uko egin diola gaineratu du ohar batean.

Txantrearrak, kartzelako osasun baldintzak salatzeko protesta batean parte hartzeagatik funtzionarioek eginiko mehatxuak salatzeko hasi zuen gose eta egarri greba, duela hamahiru egun.

Patxi Ruizi elkartasuna adierazteko, Ipar Euskal Herriko hainbat eragilek manifestazioa egitera deitu dute gaurko Baionan, 17:00etan. Bilbon, Gasteizen, Durangon eta Donostian ere manifestazioak egingo dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Espetxe politika

Espetxe politika kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude