Parisek hiriguneko trafikoa debekatu nahi du 2022rako

  • Parisko Udalak "drastikoki" murriztu nahi du hiriguneko trafikoa 2022rako, oinezkoen, bizikleten eta garraio publikoaren joan-etorriak erraztuz eta ibilgailu pribatuen pasabidea mugatuz.


2021eko maiatzaren 14an - 12:36
Argazkia: daxtell

Parisen 2022rako auto-zirkulazioa zorrotz murrizteko plana aurkeztu du udalak. Erdialdeko lau barrutietan trafikoa debekatuko dute eta lehentasuna emango diete txirrindulariei, oinezkoei eta garraio publikoari. Hiri-eremu berdeago eta seguruagoa sortuko dela uste du udalak. 

David Belliar garraio eta mugikortasuneko delegatuak sare sozialen bidez azaldu duenez, "Parisek trafikoa murriztu nahi badu ere, kontua ez da trafikoa osorik kentzea. Bizilagunek, mugikortasun urriko pertsonek, taxiek eta auzoko merkatariek sartzen jarraitu ahal izango dute ".

Zirkulazio mugatuko eremu horrek –2022ko lehen seihilekoan aplikatuko denak– ahalbidetuko luke zarata murriztea, berdeguneetarako espazioa berreskuratzea eta kutsaduraren aurka borrokatzea udalaren hitzetan. 180.000 auto ibiltzen dira egunero, han bizi direnen kopurua baino hamar aldiz gehiago. 

Anne Hidalgo alkatearen agindupean nabarmen murriztu da zirkulazioa, hiriburuaren eremu nagusietan bidegorriak zabalduz eta kale horietako batzuk autoentzat itxiz, baita Senako kaiak ere. Aurten amaituko dute hiritarrekin eta merkatariekin egingo duten kontsulta, planaren nondik norakoak zehazteko. 


Kanal honetatik interesatuko zaizu: Mugikortasuna
'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Gaueko trenen bigarren aukera? Hegazkinaren alternatiba astiro doa

Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]


2023-11-21 | Jon Torner Zabala
Parisen, bidegorrien erabilera bikoiztu egin da urtebetean

COVID-19aren pandemiaz geroztik bizikleta gero eta gehiago dabil Parisko bidegorrietan. Trafiko gehien dagoen momentuetan, hiriburuko kale garrantzitsuenetako batzuetan bizikleta gehiago dabil autoak baino,  Pierre Breteau kazetariak Le Monde egunkarian jasotako... [+]


Eguneraketa berriak daude