Paraguai: 35 urte arteko zigorrak Curuguatyko hilketengatik epaitutako nekazariei
Marina Cueko lurrak okupatu zituztenen eta poliziaren arteko liskarrek 17 hildako eragin zituzten 2012an; poliziak ziren sei. Fiskaltzak haien heriotzak soilik ikertu ditu.
“Curuguatyko sarrakiaren” auziak badu epaia: 13 auzipetuetatik 11 kartzelara bidali ditu epaileak, sei polizia hiltzea, besteren lurrak bortxatzea eta erakunde kriminaleko parte izatea egotzita. Lau eta 35 urte arteko espetxe zigorrak ezarri ditu Paraguaiko Justizia Auzitegiak.
Marina Cueko lurrak okupatu zituzten nekazariak botatzerakoan izandako istiluetan hil ziren 11 nekazari eta 6 poliziak. Fiskaltzak, baina, azken horien heriotzak soilik ikertu ditu. ANRed atariaren arabera, “epaiketa inpartzialen prozedura jarraitu ez izanagatik zalantzan jarritako auzian eman da epaia”. Erabakia “gerta zitekeen okerrena da” nekazarien aldeko Movimiento 138 elkartearentzat: “Injustizia muturrera eraman dute. 2012ko estatu kolpea burutu dute honekin”.
Erakundearen arabera, “frogarik gabe” ezarri ditu zigorrak Justizia Auzitegiak. Horrez gain, gogorarazi dute Trinidad Zelaya auzitegiko presidentea “lurraren erabileraren inguruko korrupzio kasuek” zipriztinduta dagoela. Epaile gehienak lur jabe handiak direla salatu dute.
Sententziaren aurkakoek protestak abiatu dituzte epaia publiko egin orduko. Hala, auzitegiaren aurrean egonaldiak egin dituzte orain artean. Bere aldetik, Movimiento 138k manifestazioa deitu du astelehenerako. Oxfam eta Amnistia Internacionalek gaitzetsi egin dute epaia. Azken erakundeko Erika Guevarak adierazi duenez, “ez dago arrazoirik polizien heriotzak soilik ikertzeko. Gainera, nekazariek salatutako torturei jaramonik ez zaie egin”.
Hilketen egiletza, zalantzan
Istiluak gertatu zirenean zegoen gobernuak nekazariei bota zien heriotzen errua. Besteak beste, nekazarien artean Ejército del Pueblo Paraguayo talde armatuko kideak zeudela salatu zuten. Nekazarien defentsan ari direnek, aldiz, bestelako iritzia dute: Hilketak nekazariak erreprimitzen ari ziren bi polizia taldeen arteko tiroek eragin zituztela adierazi dute.
Gertakarien harira, Paraguaiko kongresuak kargutik kendu zuen Fernando Lugo presidentea, eta zenbaitek haren kontrakoek ordaindutako mafiak jo dituzte egiletzat. Movimiento 138ren kasua da: elkarte honen arabera, sarraskia “agrikulturaren negozioarekin jarraitzeko, nekazariak botatzeko, eta baliabide naturalen ustiapenarekin jarraitzeko” oligarka taldeek burututako plan baten emaitza da.
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]