Palestinar bat hil du Israelgo poliziak Zisjordanian
Palestinar gazte bat hil da israeldar armadaren tiroz Zisjordania okupatuko Nablus hirian. Sionisten arabera, hildakoak "molotov koktelak" jaurti omen zituen kontrol postu baten aurka, baina Kifl Hariseko alkateak gezurtatu egin du bertsio hori, eta "kalean zihoala tiro egin ziotela" adierazi du.
Ibrahim Abu Yaqub izeneko 34 urteko gaztea hil dute Israelgo tropek, lepoan tiroa jota. Palestinako Autoritate Nazionaleko Osasun Ministerioaren arabera, Zisjordania iparraldean gobernuaren ospitale batean hil zen, Wafa Palestinako albiste-agentzia ofizialak azaldu duenez.
Gertakaria Palestinako Kifl Haris herrixkan izan zen, Ariel kokagune sionista kolonotik gertu. Israelgo Armadaren (IDF) arabera, "bi gaztek molotov koktelak jaurti zituzten kontrol-postu militarrera"; horren aurrean, Israelgo tropek "tiroz erantzun zuten, eta bietako bat zauritu zuten, besteak ihes egin zuen bitartean". Wafak, dena den, Kifl Hariseko alkatearen bertsioa aipatu zuen, IDFren bertsioa zalantzan jartzen zuena, “gazteei kalean zebiltzala tiro egin zietela” argudiatuz.
Abu Yaquben heriotza, gainera, uztailaren 1ean jazo zen, Israelgo Gobernuak Zisjordanian lurraldeak anexionatzen hasteko ezarritako egunean. Balizko anexio hori, nazioarteko zuzenbidearen aurkakoa dela gogorarazi dute estatu ugarik. Palestinarrek ere errefusatu egin dute: iragan asteko asteazkenean protesta masiboak egin zituzten Gazan eta, neurri txikiagoan, Zisjordanian.
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]
Tartean, Joxi Zabala aitortu dute biktima gisa eta Joxean Lasa aitortzea ere ez dute baztertzen. Astelehen honetan, hilak 30, aurkeztuko dute Balorazio Batzordearen txostena.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Joxean Lasaren eta Joxi Zabalaren hilketaren 40. urteurrenaren harira oroimen ekitaldia burutu dute Busoten, Alacanten, euren gorpuak ezkutatu zituzten tokian. Lore eskaintza handi batekin oroitu dituzte bi tolosarrak.