Palestina onartu du NBEk, estatu begirale gisa
Palestina estatu begirale gisa onartu du Nazio Batuen Erakundeak (NBE), gehiengo zabalarekin. 138 estatuk bozkatu dute alde, 9k kontra eta 41 abstenitu egin dira. Onarpenak ez du esan nahi NBEk Palestina eskubide osoko estatu gisa onartu duenik, urrats hori Segurtasun Kontseiluak eman behar baitu. Baina palestinarrentzat erabaki garrantzitsua da, 1967tik israeldarrek okupatu dituzten lurraldeak Palestinakotzat jotzen dituelako.
Muga horiek berak onartuak zituen NBEk 1967ko 242 erresoluzioan, baina Israelek ez zuen bete eta hainbat hamarkada dirauen okupazioari ekin zion.
Bart gaueko bozketaren ondoren Israelen posizioa zailagoa da orain, nahiz eta AEBek baldintzarik gabeko sostengua eskaintzen dioten. Palestinarrek bart gauean lortu duten estatusari esker, Hagako Justizia Auzitegira jotzeko aukera izango dute. Hori saihesten saiatuko da AEBetako gobernua, "bake negoziazioak" oztopa ditzakeela argudiatuta.
Informazio gehiago:
NBEren erabakiaren esanahiari buruzko galdera-erantzunak paratu ditu BBCk bere webgunean.
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama. Azken indusketa honek ez du, berriki hildako... [+]
Hirugarren aldiz, Berangon birjabetutako lurrak husteko data berri bat ezarri dute. 08:00etan bertaratzera deitu dute Otxantegi Herri Lurretako kideek.
Gasteizko hezkuntza komunitateko hainbat zentrok eta eragilek ekimena antolatu dute maiatzaren 10erako, Palestinako umeak gureak ere badira. Genozidioa gelditu! lelopean. Urriaz geroztik zenbait eskola ekimenak antolatzen hasi ziren Paletinarekin elkartasunez, nork berea;... [+]
