Oriol Soler: "Estatuak gerrari ekin zion eta adierazi nahi zigun jarraituz gero hil egingo gintuela"

  • Urriaren 1etik aurrera Estatuak gerrari ekin ziola eta jakinarazi ziela bide horretatik jarraituz gero odola izango zela. Horixe jakinarazi du Oriol Solerrek, Junts Pel Sí koalizioaren hauteskunde kanpainako koordinatzaileak “El mon a RAC1” irratsaioan egindako elkarrizketan.

Xabier Letona @xletona
2018ko urriaren 25a
Jordi Soler hizketan, Jordi Basték egindako elkarrizketan. (Arg.: RAC1)

“Urriaren 1etik aurrera Estatua antolatu egin zen. Aurretik despistatua ibili zen. Gerra  bati ekin zion eta saiatu zen erakusten gurean jarraituz gero hil egingo gaituela”. Solerrek ez du hori esaten edozelako posiziotik, urriaren 1etik urriaren 27ra Kataluniako Legebiltzarrak independentzia aldarrikatu arte “prozesuaren estatu nagusiko” bilera gehienetan izan zen.

“Urriaren 1eko eguerdian Generalitateko Jauregiko bilera batean pertsona oso garrantzitsu batek erreferenduma geldiaraztea proposatzen du. Beste batek dio hildakoak badira ez dela gure erantzukizuna izango. Eta garrantzitsuagoa den batek dio baietz, geldiarazi behar dela, ezin delako hildakorik egon, guk ez genuelako hori saldu, irribarreen iraultza baino”.

ERC et PDCAT, bi posizio bietan

Solerren aburuz, egun horretan gobernuak ulertu zuen zein izango zen Estatuaren erantzuna eta ez zegoela prestatuta horri aurre egiteko. Egoera horri nola erantzun, hori zen kontua, eta horren harira eztabaida ireki zen urriaren 1ean, urriaren 27ra arte iraun zuena. Solerrek adierazi duenez, debate horretan ERC aldebarrekotasunaren alde zela zabaldu da eta PDCAT hauteskundeak aurreratzearen alde, baina azpimarratu du ez omen zela horrela izan. Bi jarrera egon ziren oro har, batzuk aurrera egitearen alde eta beste batzuk prozesua geldiaraztearen alde, eta bietan ziren alderdi bietako pertsonak.

Urriak 25

Generalitateko Jauregian urriaren 25ean egindako bilera batean hauteskundeak aurreratuko zirela erabaki zen Solerren esanetan, eta Espainiako Gobernuarekin negoziatuko zela. Baldintzak honakoak ziren: presoak kalean uztea, finantza kontrolaren amaiera, erreferendumaren harira etorritako guardia zibil eta poliziak ateratzea eta 155. artikulurik ez zela izango bermatzea. “Berriz engainatu zuten Puigdemont, eta koherentea izan behar izan zuen”, dio Solerrek, urriaren 10ean Kataluniako Legebiltzarrean balizko negoziazioaren harira  behin-behinekoz bertan behera utzitako independentzia aldarrikapena gauzatuz.

Solerren ustez, prozesuak balio izan du arazoa munduratzeko eta orain berau geldiarazteko unea da, oinarri independentista zabaldu eta beste aukera bat bilatzeko unea: “Ez gara hori ikusteko gai izan, baina biztanleriaren %40 aurka izanda ezin da independentzia aldarrikatu”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
Eguneraketa berriak daude