Espainiako oposizioak ez du onartzen Mozal Legea mantentzeko PPren proposamena
Azaroan, Mozal Legea indargabetzeko eskatu zuen Espainiako Kongresuak bigarren aldiz. Legez besteko mozioa ontzat emateak, bestalde, ez du lege aldetik ondorio zuzenik izango.
Mozal Legea bere horretan mantentzeko izan diren zailtasunen aurrean, Legearen aspektu jakin batzuen inguruan eztabaidatzea proposatu du Juan Ignacio Zoido Espainiako Gobernuko Barne Ministroak. Helburua, Mozal Legea salbatzea da. Proposamenak, bestalde, ez du harrera onik izan Espainiako Kongresuan.
Miguel Gutierrez Ciudadanoseko diputatuak azaldu duenez, Mozal Legearen gaineko aldaketak barne hartzen dituen dokumentu bat adostu zuten Ciudadanosek eta PPK. Txosten horretan agertzen diren neurriekin lege eraldaketa bat aurkezteko eskatu dio Gutierrezek Zoidori. Modu horretan, Ciudadanosen babesa edukiko luketela gaineratu du.
Gainerako alderdiek, aldiz, adierazi dute ez dutela Mozal Legea mantentzeko akordiorik sinatuko, ezta hura hobetzearen inguruko eztabaidarik egingo. Hala ere, Zoidok azaldu du urtarrilean eratuko direla eraberritu beharreko puntuak negoziatzeko lan taldeak.
Mozal Legea indargabetzeko mozioak
Orain alderdi guztiei egindako proposamena, PSOEri luzatu zion PPk azaroan ere. PSOEk ezezkoa eman zuen, eta Mozal Legea derogatzeko eskatu zuen. Legea indargabetzeko onetsi den bigarren mozioa izan zen hura, 2016ko apirilean ere hura atzera botatzeko proposamena aurkeztu baitzuen ERCk. Alderdi horren bozeramaile Gabriel Rufianen esanetan, “Segurtasun Indarrei esku hartzeko eta erabakiak hartzeko botere handiegia” ematen dielako, “berme judiziala baztertuz”.
PSOEko Antonio Trevinen ustez, oinarrizko eskubideak garatzea “oztopatzen” du Mozal Legeak. Ezartzen diren zigorretan proportzionaltasuna mantendu behar dela azaldu zuen azaroan, eta oinarrizko eskubide eta askatasunak errespetatzen dituen arautegi berri baten alde agertu zen.
Informazio Askatasunaren Defentsarako Plataformaren ustez (PDLI gaztelaniazko sigletan), bestalde, egindako mozioak "itxurakeria hutsa" dira, ez baitute Mozal Legea indargabetzea bermatzen. Espainiako Kongresuko taldeek hura deuseztatzeko lege proposamen bat sinatzen ez duten arte, Mozal Legeak indarrean jarraituko duela azaldu du kazetarien elkarteak.
1.300 milioi eurotik gorako 2 milioi isun baino gehiago ekarri ditu legeak. Atzera botako zutela hitzeman zuten PSOEk, Podemosek, Sumarrek, EH Bilduk, ERCk, EAJk, Juntsek nahiz BNGk.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
