ARGIA.eus

2020ko uztailaren 14a

Espainian covid-19ak jotako gaixoen %85ak jaso duen hidroxiklorokina bertan behera utzi du OMEk

  • Orain arte malariaren aurka erabilitako hidroxiklorokina medikamentua zalantza jarri da azken egunetan, Covid-19ri aurre egiteko orduan ustez dituen ondorio kaltegarriengatik. Espainiko Estatuan modu masiboan eman zaie gaixotasun hori duten pazienteei.

ARGIA @argia
2020ko maiatzaren 27a
Argazkia: Dani Blanco

"Duela bi aste hartu nuen. Ona ez bada, esango dizut". Maiatzaren 18an, Donald Trump AEBetako presidenteak hitz horiekin behin betiko jaurti zuen arrakastara hidroxiklorokina.

 

Trumpen hitzak entzun eta lau egunera, The Lancet aldizkari zientifikoak 96.000 pertsona inguru aztertu eta gero argitaratutako ikerketaren arabera, tratamendu honek heriotza eta bihotzeko gaixotasunak izateko arrisku handiagoarekin lotuta dago.

 

Emaitza kezkagarri horien ondorioz, Osasunaren Mundu Erakundeak (OME) Covid-19aren aurkako medikamentu honen erabilera klinikoa aldi baterako geldiarazi zuen iragan astelehenean.

 

"Argitalpena irakurri ostean, zuhurtziaz jokatzea erabaki genuen, eta aldi baterako bertan behera utzi genuen medikamentua”, azaldu du Soumya Swaminathan OMEko zientzialarien buruak.

 

Barne Medikuntzako Espainiako Elkarteak egindako eta MedRxiv  plataforman argitaratutako azterlan zabal bati esker (honen berri ematen duen artikulua oraindik berraztertze fasean dago), Covid-19ak jota ospitaleratutako pazienteen % 85,7k hidroxiklorokina jaso du Espainiako Estatuan.

 

Koronabirusarekin ospitaleratutako 12.213 pazienteren datuak biltzen ditu ikerketak (alta emandakoak edo hildakoak), eta honetan autonomia-erkidego guztietako 146 ospitaletako 604 ikertzailek parte hartu dute; aztertutako kasuen herena, gutxi gorabehera, Madrilgoa izan da.

 

Asteazken honetan bertan, eta Osasun Publikoaren Kontseilu Nagusiak eta Sendagaien Agentziak adierazitako zalantzak azalduta, Frantziako Gobernuak indargabetu egin du Covid-19ko pazienteak tratatzeko hidroxiklorokina erabiltzea baimentzen zuen dekretua,

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

Azkenak
EGILEA
Argia buletina
Egunaren laburpena
zure e-postan
Eguneraketa berriak daude