Metrokoadroka taldearekin taularatzen ari den Zertarako Hegoak obra gutxi ez eta Elkartasun basatia poema-liburua aurkeztu du gaur goizean, Donostiako Udal Liburutegiko sotoan.

Gorka Arrese Susako editorearekin batera, Asier Sarasola idazlea izan du mahaikide, eta bi poetek, aurkezpenetako ohiko hitzei bidea eman aurretik, Esan gabe doa, liburuko lehen poema luzea errezitatu digute. Antzerkiz blai dator Guillenen poesia, liburuaren trailer gisa eskaini diguten errezitaldian ikusi denez.

Eta errezitaldiez ari garela, horra poetaren hurrengo hitzorduak: maiatzaren 9an, Literaktum jaialdian, Donostian; ekainaren 1ean, Larrabetzun; ekainaren 7an, Oreretan.